IPL 2023 playoff / ગુજરાત-ચેન્નઈ વચ્ચે પ્રથમ ક્વોલિફાયર તો મુંબઈની લખનૌ સાથે એલિમિનેટર મેચ, જુઓ પ્લેઓફ મેચનું શેડ્યુલ

• IPL 2023 માટે ચાર ટીમો નક્કી થઈ ગઈ છે
• ચેન્નાઈ અને ગુજરાત વચ્ચે થશે ટક્કર 
• એલિમિનેટર મેચ લખનૌ અને મુંબઈ વચ્ચે રમાશે

ઈન્ડિયન પ્રીમિયર લીગ 2023ના પ્લેઓફ માટે ચાર ટીમો નક્કી થઈ ગઈ છે. મુંબઈ ઈન્ડિયન્સ અને રોયલ ચેલેન્જર્સ બેંગ્લોરની વચ્ચે પ્લેઓફનું સમીકરણ રન રેટને લઈને અલગ બની રહ્યું છે. પરંતુ આરસીબીની ટીમ ગુજરાતના સામે હારી ગઈ જેના કારણે મુંબઈ 16 અંકોની સાથે પ્લેઓફમાં પહોંચનાર ચોથી ટીમ બની છે. 

હવે IPL 2023 નો લીગ સ્ટેજ પૂરો થઈ ગયો છે અને હવે પ્લેઓફ 23 મે એટલે કે મંગળવાર થી રમાશે. પ્લેઓફ માટે ચાર ટીમો નક્કી કરવામાં આવી છે.  પ્રથમ ક્વોલિફાયર ગુજરાત અને ચેન્નાઈ વચ્ચે રમાશે. જ્યારે એલિમિનેટરમાં લખનૌ અને મુંબઈની ટીમ વચ્ચે ટક્કર થશે.

𝗔𝗻𝗱 𝘁𝗵𝗲𝗻 𝘁𝗵𝗲𝗿𝗲 𝘄𝗲𝗿𝗲 𝗳𝗼𝘂𝗿 😉

A round of applause for the 🔝 four teams who have made it to the #TATAIPL 2023 Playoffs 👏🏻👏🏻 pic.twitter.com/Lc5l19t4eE

— IndianPremierLeague (@IPL) May 21, 2023

ચેન્નાઈ અને ગુજરાત વચ્ચે થશે ટક્કર 
ચેન્નાઈ સુપર કિંગ્સ અને ગુજરાત ટાઇટન્સ વચ્ચે IPL 2023 ની પ્રથમ ક્વોલિફાયર મેચ 23 મેના રોજ ચેન્નાઈના હોમ ગ્રાઉન્ડ ખાતે રમાશે. તે આ મેચ જીતશે તે ટીમ ફાઇનલમાં પહોંચશે. આ સાથે જ હારનાર ટીમને ફાઇનલમાં જવાની વધુ એક તક મળશે.

એલિમિનેટર મેચ લખનૌ અને મુંબઈ વચ્ચે રમાશે
જણાવી દઈએ કે બુધવારે  એટલે કે 24 મેના રોજ એલિમિનેટર મેચ લખનૌ સુપર જાયન્ટ્સ અને મુંબઈ ઈન્ડિયન્સ વચ્ચે ચેન્નાઈના એમએ ચિદમ્બરમ સ્ટેડિયમમાં રમાશે . જે ટીમ આ મેચ હારશે તે બહાર થઈ જશે. એલિમિનેટર મેચની વિજેતા ટીમ પ્રથમ ક્વોલિફાયરમાં હારેલી ટીમ સાથે બીજી ક્વોલિફાયર મેચ 26 મેના રોજ અમદાવાદના નરેન્દ્ર મોદી સ્ટેડિયમમાં રમશે.

For one last time this season 🙌

Here’s how the Points Table stands after 7️⃣0️⃣ matches of #TATAIPL 2023

Did your favourite team qualify for the playoffs? 🤔 pic.twitter.com/972M99Mxts

— IndianPremierLeague (@IPL) May 21, 2023

28 મેના રોજ રમાશે ફાઇનલ 
IPL 2023 ની ફાઈનલ 28 મે રવિવારના રોજ નરેન્દ્ર મોદી સ્ટેડિયમમાં સાંજે 7.30 વાગ્યાથી રમાશે. આ ફાઇનલ મેચ ક્વોલિફાયર 1 અને ક્વોલિફાયર 2 ની વિજેતા ટીમો વચ્ચે રમાશે.

જણાવી દઈએ કે IPL 2023 ની તમામ પ્લેઓફ મેચો  ભારતીય સમય અનુસાર સાંજે 7.30 વાગ્યાથી રમાશે અને મેચને સ્ટાર સ્પોર્ટ્સ નેટવર્કની વિવિધ ચેનલો પર અને મેચનું લાઈવ સ્ટ્રીમિંગ 'Jio Cinema' એપ પર જોઈ શકાશે.