ગુજરાતી ગેંગસ્ટરનો રોલ ભજવનાર આલિયા ભટ્ટની ફિલ્મ ‘ગંગુબાઈ કાઠિયાવાડી’નું પહેલું પોસ્ટર રીલીઝ કરી દેવામાં આવ્યું છે. ઘણા લોકો લાંબા સમયથી આ ફિલ્મનાં લૂકની રાહ જોઈ રહ્યા હતા ત્યારે ઘોષણા કરી દેવામાં આવી છે કે 15જાન્યુઆરીએ ફિલ્મમાં આલિયાનો લૂક જાહેર કરી દેવામાં આવશે.
સંજય લીલા ભણસાલીની ફિલ્મ 'ગંગુબાઈ કાઠીયાવાડી'નું ફર્સ્ટ પોસ્ટર રીલીઝ કરી દેવામાં આવ્યું છે. આલિયા ભટ્ટે આ પોસ્ટર પોતે જ સોશિયલ મીડિયામાં શેર કરી છે. આ મોશન પોસ્ટર ખુબ સાદગીભર્યું દેખાય છે પરંતુ ધ્યાનથી જોઈએ તો તેમાં ક્રિએટિવીટી પણ દેખાઈ રહી છે.
પોસ્ટરમાં ઈંગ્લીશમાં ફિલ્મનું નામ લખવામાં આવ્યું છે. બ્લેક ગ્રાઉન્ડ પર સફેદ અક્ષરોમાં ફિલ્મનું નામ લખવામાં આવ્યું છે જેમાં i પર જે ડોટ કરવામાં આવ્યો છે તો લાલ ચાંદલાને દર્શાવે છે. નોંધનીય છે કે આ ફિલ્મમાં લાઈવ સાઉન્ડ હશે એટલે આલિયાએ તેના ડાયલોગ્સ પણ એક ટ્રાયમાં જ બોલવા પડશે. તેને ડબિંગ માટે સેકન્ડ ચાન્સ નહીં મળે.
આમ તો આ પોસ્ટરમાં ખુબ ઓછું મ્યુઝીક આપ્યું છે પરંતુ તે સાંભળીને લાગે છે ભણસાલી આ ફિલ્મમાં શાનદાર મ્યુઝીક આપવાના છે. આ ફિલ્મની ઝલક માટે જે લોકો રાહ જોઈ રહ્યા હતા તેમના માટે સારા સમાચાર છે. નોંધનીય છે કે 'ઇંશાલ્લાહ' ફિલ્મ રદ્દ થયા બાદ ભણસાલીએ આલિયાને ગંગુબાઈ કાઠીયાવાડી માટે કાસ્ટ કરી હતી. પોસ્ટરનાં અંતમાં જણાવવામાં આવ્યું છે કે ફિલ્મનો પહેલો લૂક 15મી જાન્યુઆરીએ રીલીઝ કરવામાં આવશે. આલિયા તેના માટે ખુબ વધારે ટ્રેનીંગ પણ લઇ રહી છે. ફિલ્મ 11મી સપ્ટેમ્બરનાં રોજ રીલીઝ કરવામાં આવશે.