જામનગર જિલ્લાની 145 ગ્રામપંચાયતની ચૂંટણીનું મતદાન શરૂ

આજે રાજ્યમાં ગ્રામ પંચાયતની ચૂટંણી યોજાઇ રહી છે. કુલ 1425 ગ્રામ પંચાયતો પૈકી 214 ગ્રામ પંચાયતો સમરસ થઇ છે. કુલ 22 036 ઉમેદવારો મેદાનમાં છે જેમાંથી 5958 ફોર્મ સરપંચ પદ માટે ભરાયા છે. 

મહત્વની વાત એ છે કે  1191 બેઠક ઉપર કોઇ સભ્યે ફોર્મ નથી ભર્યુ જ્યારે 15 સરપંચ પદ માટે પણ ઉમેદવારી હજુ ખાલી રહી છે.

ત્યારે રાજ્યના જામનગર જિલ્લામાં 154 ગ્રામપંચાયતની ચૂંટણી માટે મતદાન ચાલી રહ્યુ છે. જામનગર તાલુકામાં 35 ગ્રામપંચાયતો ચૂંટણી યોજાઇ રહી છે. કાલાવાડમાં 37 ધ્રોલમાં 13 જોડિયામાં 12 ગ્રામપંચાયતની ચૂટંણી માટે મતદાન  ચાલી રહ્યુ છે. 

આ સિવાય લાલપુર તાલુકાની 34 જામજોધપુરની 23 ગ્રામપંચાયત પર વહેલી સવારથી મતદાન ચાલી રહ્યુ છે. મહત્વપૂર્ણ છે કે જામનગર જિલ્લામાં 50 ગ્રામ પંચાયત સમરસ છે.