ગરમીની સિઝનની શરૂઆત થઈ ગઈ છે, સાથે જ હવે બજારમાં કેરી પર દેખાઈ રહી છે. સોશિયલ મીડિયામાં હાલમાં એક તસ્વીર વાયરલ થઈ રહી છે. જે ખૂબ જ ફની છે.
કેરીની સિઝન શરૂ થઈ ગઈ
સોશિયલ મીડિયા પર વાયરલ થઈ આ તસ્વીર
કેરી માટે રાખવામાં આવી છે સિક્યોરિટી
ગરમીની સિઝન કેરીના રસ વગર તો અધૂરી જ લાગે. ગરમી શરૂ થતાં જ બજારોમાં દરેક જગ્યાએ કેરી જોવા મળી રહી છે. ગામમાં રહેતા લોકો ગરમીના દિવસોમાં ડાયરેક્ટ ઝાડ પરથી કેરી તોડીને ખાતા હોય છે. કેટલાય લોકો તો કેરીને બરાબરની પાકવા પણ દેતા નથી, એમ જ ઉતારી લેતા હોય છે. કેરીને લઈને આપણા બાળપણમાં કેટલાય કિસ્સાઓ આપની યાદમાં હશે, જેમાં કેરી ચોરીછૂપીએ તોડીને ખાવી વગેરે વગેરે...જો કે, આ બાબતને લઈને ઘણી વાર માલિક લોકો કેરીની સુરક્ષા માટે અવનવા આઈડીયા પણ લગાવતા હોય છે. જો કે, ગમે તેવી સુરક્ષા કેમ ન હોય તોય આપણે કેરી ખાવી એટલે ખાવી. પણ હાલમાં એક કેરીની તસ્વીર સોશિયલ મીડિયા પર ખૂબ વાયરલ થઈ રહી છે. જેની સુરક્ષા તોડવી એ ભલભલાને પરસેવો છૂટી જાય તેવું કામ છે.
આપણે સૌ કોઈ જાણતા હોઈએ છીએ કે, મધમાખી કેટલી ખતરનાક હોય છે. તેને હેરાન મતલબ પોતાની જાતને ખતરામાં નાખવી. કારણ કે, તે જ્યારે ડંસ મારે છે, ત્યારે નાની યાદ આવી જાય. પણ હાલમાં એક તસ્વીર સામે આવી છે, જેમાં કેરીની સુરક્ષા મધમાખીઓ કરી રહી છે. હકીકતમાં મધમાખીના મધપુડા પર એક કેરી લટકી રહી છે.
આ ફની પોસ્ટને ipsvijrk નામના ટ્વિટર હૈંડલ પરથી ટ્વિટ કરવામાં આવી છે. જેની સાથે કેપ્શનમાં લખ્યું છે કે, સીઝનની પ્રથમ કેરી, એ પણ ઝેડ સિક્યોરિટી સાથે. આ સમાચાર લખાય છે, ત્યાં સુધીમાં 40 હજારથી વધારે લોકોએ તેને જૌઈ છે. તસ્વીર જોયા બાદ યુઝર્સ પર ફની કમેન્ટ કરી રહ્યા છે.
એક યુઝર્સે લખ્યું છે કે, એક વાર પથ્થરો મારીને ટ્રાઈ કરી જુઓ, તો વળી બીજાએ લખ્યું છે કે, હથિયાર વગરની આટલી આકરી સિક્યોરિટી ક્યાંય નહીં જોઈ હોય. એક યુઝર્સે લખ્યું કે, આ ઝેડ પ્લસ નહીં પણ એ ટૂ ઝેડ સિક્યોરિટી છે. આ ઉપરાંત કેટલાય લોકો આ સિક્યોરિટીને લઈને કમેન્ટ કરી રહ્યા છે.