સુરતમાં પાંચ વર્ષ પૂર્વે લગ્ન થયા હોવા છતાં પત્નીએ બીજા લગ્ન કરવાનું નક્કી કરતા કંકોત્રી પતિ સુધી પહોંચી હતી. જેને લઈને પતિ તાબડતોબ મુંબઈથી સુરત પહોંચ્યો હતો.જ્યા લગ્નમંડપમાં માથાકૂટ સર્જાઈ હતી.
સુરતના ડીંડોલી વિસ્તારમાં બની અનોખી ઘટના
પત્નીના બીજા લગ્ન રોકવા પતિ પહોંચ્યો લગ્નમંડપે
સમગ્ર મામલે પોલીસે પરિણીતા સહિત 5 લોકો સામે ગુનો દાખલ કર્યો
સુરતના ડિંડોલીમાં એક અનોખી ઘટના સામે આવી છે, પાંચ વર્ષ પૂર્વે લગ્ન થઇ ગયા હોવા છતાં પત્નીએ બીજા લગ્ન કરવા આયોજન ઘટાડા તાબડતોબ પતિ મુંબઈથી સુરત પહોંચ્યો હતો અને પોલીસને જાણ કરી લગ્ન રોકવી પત્ની સહિતના પાંચ આરોપીઓ વિરુદ્ધ ગુન્હો દાખલ કરાવ્યો હતો.
પિયરપક્ષે ધમકી આપતાં પતિએ પોલીસ બોલાવી
સુરતના ડિંડોલીમાં અનોખી ઘટનાની વિગત એવી છે કે પત્ની બીજા લગ્ન કરવા જઇ રહી હોવાની જાણ થતાં પતિ મુંબઇથી સીધો સુરત લગ્નના મંડપમાં દોડી આવ્યો હતો. જ્યારે પત્નીના પિયરપક્ષે ધમકી આપતાં પતિએ પોલીસનો સહારો લીધો હતો. પોલીસે પત્ની રિનલ સાબલે, તેના પિતા રમેશ નરવડે, સુનિતા નરવડે, તેજલ નરવડે અને અનિકેત બોરાડે (નવાગામ ડિંડોલી) સામે ગુનો નોંધી કાર્યવાહી હાથ ધરી છે. મુંબઇ રહેતા ફરિયાદી સ્વપનિલ તાનાજીના પ્રેમલગ્ન તેની મામાની દીકરી રિનલ સાથે 2017માં મુંબઇમાં થયા હતાં. જેની નોંધણી મુંબઇ મહાનગરપાલિકામાં કરાવી હતી.
સોશિયલ મીડિયામાં જોવા મળી હતી કંકોત્રી
જો કે રીનલ અને સ્વપ્નિલનું લગ્ન જીવન લાબું ચાલ્યું ન હતું અને લગ્નના 5 દિવસ બાદ મુંબઇ જઇ રિનલને સુરત લઇ આવ્યો હતો. બાદમાં લગ્નજીવનમાં અણબનાવ બનતા વર્ષ 2018માં રિનલની ફરિયાદ પર ડિંડોલી પોલીસે પતિ અને તેના પરિવારની અટક કરી હતી. બીજી તરફ પતિથી અલગ થયેલી રિનલના લગ્નની કંકોત્રી સોશિયલ મીડિયામાં જોતા પતિ સ્વપ્નિલ સુરત આવ્યો હતો. પોતાની પત્નીના બીજા લગ્ન અટકાવવા જતાં ઝઘડો થયો હતો. આ મામલે રિનલે બીજા લગ્ન કરી લીધાંનું પોલીસે જણાવ્યું હતું.