નેશનલ અવોર્ડ વિનર એક્ટર્સ વિકી કૌશલ અને આયુષ્માન ખુરાનાની ફિલ્મ 21 ફેબ્રુઆરીના રોજ રિલીઝ થઇ છે. વિકી કૌશલની પહેલી હોરર ફિલ્મ ‘ભૂત: ધ હોન્ટેડ શિપ’ અને આયુષ્માન ખુરાનાની ગે રિલેશનશિપ પર આધારિત ‘શુભ મંગલ ઝ્યાદા સાવધાન’ રિલીઝ થઇ છે.
વિકી કૌશલનીની ફિલ્મે રિલીઝના પહેલા દિવસે 5.10 કરોડ રૂપિયાની કમાણી કરી છે જ્યારે આયુષ્માનની ફિલ્મે 9.55 કરોડ રૂપિયાનું ઓપનિંગ કલેક્શન કર્યું છે.
વિકી અને આયુષ્માન બંનેની આ ફિલ્મ્સ તેમના કરિયરની સૌથી વધુ ઓપનિંગ કલેક્શન કરનાર ત્રીજી ફિલ્મ છે. આયુષ્માનની પહેલા દિવસે સૌથી વધુ કમાણી કરનાર ફિલ્મ ‘બાલા’ છે જેની કમાણી 10.15 કરોડ રૂપિયા હતી. ત્યારબાદ 10.05 કરોડ રૂપિયાની કમાણી સાથે ‘ડ્રીમ ગર્લ’ ફિલ્મ અને ત્યારબાદ 9.55 કરોડ રૂપિયાની કમાણી સાથે ‘શુભ મંગલ ઝ્યાદા સાવધાન’ ત્રીજા સ્થાન પર છે. વિકીના લિસ્ટમાં 8.20 કરોડ રૂપિયાની સાથે ‘ઉરી’ ફિલ્મ પહેલા સ્થાને ત્યારબાદ 7.53 કરોડ રૂપિયા સાથે ‘રાઝી’ ફિલ્મ અને ત્રીજા નંબર પર 5.10 કરોડ રૂપિયાની કમાણી સાથે ‘ભૂત: ધ હોન્ટેડ શિપ’ છે.
#Bhoot opens on expected lines... The genre has its loyal audience in mass pockets + with strong title-value, should’ve opened to higher numbers... #MahaShivratri partial holiday also contribute to its total... Needs to increase speed on Day 2 and 3... Fri ₹ 5.10 cr. #India biz.
‘શુભ મંગલ જ્યાદા સાવધાન’ રોમકોમ ફિલ્મને હિતેશ કેવલ્યએ ડિરેક્ટ કરી છે. ફિલ્મની સ્ટારકાસ્ટમાં આયુષ્માન ખુરાના, જીતેન્દ્ર કુમાર, નીના ગુપ્તા, ગજરાજ રાવ, માનવી ગગરૂ વગેરે સામેલ છે. ‘ભૂત: ધ હોન્ટેડ શિપ’થી ભાનુ પ્રતાપ સિંહે ડિરેક્ટર તરીકે ડેબ્યુ કર્યું છે. આ ફિલ્મ બોમ્બેમાં થયેલી સત્ય ઘટના પર આધારિત છે. ફિલ્મમાં ભૂમિ પેડનેકર પણ સામેલ છે.