Coronavirus / રાજ્યની પ્રથમ ઘટના, જામનગરમાં માત્ર 14 મહિનાના બાળકને લાગ્યો કોરોનાનો ચેપ

જામનગરમાં 14 મહિનાના બાળકને કોરોના પોઝિટિવ
ગુજરાત રાજ્યની પ્રથમ ઘટના 
જામનગર આરોગ્ય વિભાગ દોડતો થયો 

જયંતિ રવિએ કોરોના વાયરસને લઇને સંબોધેલ પ્રેસ કોન્ફરન્સમાં જણાવ્યું હતું કે, જામનગરમાં 14 મહિનાના બાળકને કોરોના પોઝિટિવ આવ્યો છે. કોરોના પોઝિટિવ આવેલ બાળકનો પરિવાર પરપ્રાંતિય છે. આ પરિવાર જામનગરના દરેડ વિસ્તારમાં 90 શ્રમિક પરિવારોની સાથે રહે છે, દરેક પરિવાર GIDC મજૂરી કામ કરવા આવ્યો છે. 

માત્ર 14 મહિનાનું બાળક કોરોના પોઝિટિવ

ઉલ્લેખનીય છે કે, 14 માસના બાળકને કોરોના પોઝિટિવ આવતા જામનગર જિલ્લાનું આરોગ્ય તંત્ર દોડતું થયું હતું અને સમગ્ર બિલ્ડીંગને માસ કોરેન્ટાઈન કરાયું છે. મળતી માહિતી મુજબ કોરોના પોઝિટિવ આવેલ બાળકના માતા-પિતાએ કે બાળકે છેલ્લા 6 મહિનામાં ક્યાંય પ્રવાસ કર્યો નથી. જો કે, આ ઘટનાને પગલે હાલ બાળકને જામનગરની હોસ્પિટલમાં સારવાર અર્થે રાખવામાં આવ્યું છે.

રાજ્યમાં 21 લોકો થયાં સ્વસ્થ

જયંતિ રવિએ પ્રેસ કોન્ફરન્સ કરીને જણાવ્યું છે કે, રાજ્યમાં અત્યાર સુધીમાં 21 લોકો સ્વસ્થ થયાં છે. આજ સુધીમાં રાજ્યમાં કોરોના વાયરસના કુલ 128 કેસ નોંધાઇ ચૂક્યા છે. જેમાં અમદાવાદમાં કોરોનાના સૌથી વધુ 53, ભાવનગરમાં 13, સુરતમાં 16, રાજકોટમાં 10, ગાંધીનગરમાં 13, ગીર સોમનાથમાં 2, રાજકોટમાં 10, વડોદરામાં 10, જામનગરમાં 1, કચ્છમાં 2, મહેસાણામાં 1, પંચમહાલમાં 1, પોરબંદરમાં 3, પાટણમાં 1, મોરબીમાં 1 અને છોટા ઉદેપુરમાં 1 કેસ નોંધાયા છે. આમ, કુલ રાજ્યમાં 128 કોરોના પોઝિટિવ કેસ નોંધાયા છે.