મોદી 2.0 / સંસદના શિયાળુ સત્ર પૂર્વે મોદી કેબિનેટમાં થઈ શકે છે ફેરફાર! 

• મોદી કેબિનેટમાં નવા ચહેરાઓને સ્થાન અપાશે
• સાથી પક્ષોના સભ્ય બની શકે છે પ્રધાન
• શિયાળુ સત્ર પૂર્વે મોદી કેબિનેટમાં થઇ શકે છે પ્રથમ ફેરફાર

સાથી પક્ષોના સભ્ય પ્રધાન બની શકે છે​

આ વર્ષે ૩૦ મેના રોજ બીજી વખત કાર્યભાર સંભાળ્યા બાદ વડા પ્રધાને જ્યારે પોતાની ટીમ બનાવી ત્યારે તેમાં જેડીયુને કોઇ સ્થાન આપવામાં નહોતું આવ્યું. આ ઉપરાંત શિવસેનાને પણ પ્રતિકાત્મક પ્રતિનિધિત્વ મળ્યું હતું.
 

કેબિનેટમાં થઇ શકે છે સંભવિત ફેરફાર

હવે સાથી પક્ષોના ક્વોટામાંથી કેટલાક વધુ પ્રધાનને સરકારમાં સામેલ કરવામાં આવી શકે છે. સૂત્રોના જણાવ્યા અનુસાર વડા પ્રધાન મોદી પોતાના બીજા કાર્યકાળમાં પ્રધાનોની અત્યાર સુધીની કામગીરીની સમીક્ષા પણ કરશે અને તેના આધારે કેબિનેટમાં સંભવિત ફેરફાર કરવામાં આવશે. સંસદનું શિયાળુ સત્ર ૧૮ નવેમ્બરથી શરૂ થઇ ૧૩ ડિસેમ્બર સુધી ચાલશે.

કેન્દ્ર સરકારે બ્યૂરોક્રસીમાં કર્યો ફેરફાર

મહારાષ્ટ્ર અને હરિયાણામાં ચૂંટણી સમાપ્ત થવાની સાથે જ હવે મોદી સરકારે બ્યૂરોક્રસીમાં પણ ફેરફાર કર્યો છે. મંગળવારે ૧૧ સેક્રેટરી સહિત રર સિનિયર આઇએએસ અધિકારીઓની બદલી કરવામાં આવી હતી. છેલ્લા કેટલાક મહિનાથી વિવાદમાં ઘેરાયેલ સ્ટાફ સિલેક્શન કમિશનમાં નવા ચેરમેનની નિયુકિત કરવામાં આવી છે. જમ્મુ-કાશ્મીર કેડરના આઇએએસ વ્રજરાજ શર્માને આ જવાબદારી સોંપવામાં આવી છે.