સુવિધા / અહીં બનશે દેશનું સૌપ્રથમ બસ પોર્ટ, મોબાઈલ ચાર્જિંગ અને વાઈ- ફાઈ જેવી હશે સુવિધાઓ

• કટરામાં બનશે દેશનું સૌ પ્રથમ મોર્ડન બસ ડેપો
• મોબાઈલ ચાર્જિંગ અને વાઈ- ફાઈ જેવી હશે સુવિધાઓ
• કટરા મોર્ડન બસ પોર્ટ ઓગસ્ટ 2022 સુધીમાં બનશે

સડક પરિવહન મંત્રાલયના સાર્વજનિક ઉપક્રમ રાષ્ટ્રીય રાજમાર્ગ અને અવસંરચના વિકાસ નિગમ લિમિટેડની તરફથી કટરા મોર્ડન બસ પોર્ટ માટે નિયુક્ત કન્સલટન્ટે ફિઝિબિલિટી રિપોર્ટ તૈયાર કર્યો છે. એક વરિષ્ઠ અઝિકારીએ કહ્યું છે કે બસ પોર્ટની ડિટેલ પ્રોજેક્ટ રિપોર્ટ ડિસેમ્બર સુધી બનીને તૈયાર થશે અને નવા વર્ષે પોર્ટ બનાવવાનું કામ પણ શરૂ થશે. બસ પોર્ટ એનએચએઆઈડીસીએલ પોતાના રૂપિયાથી બનાવી રહ્યું છે. પરંતુ સારી સુવિધાઓ અને તેનું ધ્યાન રાખવા માટે તેનું સંચાલન ખાનગી ઓપરેટર્સ કરશે. 

બસ પોર્ટ માટે થઈ શકે છે 620 કરોડ રૂપિયાનો ખર્ચ

અધિકારીએ કહ્યું કે કટરા બસ પોર્ટ 30 એકરથી વધારે જમીન પર બનાવાશે. તેના માટે 620 કરોડ રૂપિયાનો ખર્ચ થવાનો અંદાજ છે. બસ પોર્ટ કટરા રેલ્વે સ્ટેશનની સામે 150 મીટરના અંતરે હશે. જેને સડક પરિવહનના સિવાય ટ્રેનથી આવનારા તીર્થ યાત્રી પણ બસ પોર્ટનો લાભ લઈ શકશે. તેની વિશેષતા એ હશે કે બસ પોર્ટની કોર્મશિયલ દુકાનોમાંથી 10 ટકા સ્થાનિક એમએસએમઈને માટે રહેશે.  તેનાથી પ્રદેશના યુવાઓને રોજગાર મળી શકે છે અને ક્ષેત્રીય ઉદ્યમીઓના સૂક્ષ્મ અને લઘુ ઉદ્યોગને ગતિ મળશે. 

થોડા કલાકો માટે હોટલ પણ મળી શકશે

અધિકારીએ કહ્યું છે કે સામાન્ય તીર્થ યાત્રીઓ માટે કટરા મોર્ડન બસ ડેપોમાં હોટલોમાં કેટલાક કલાક રહેવાની વ્યવસ્થા પણ હશે. અહીં તીર્થ યાત્રીને બાથરૂમ, ટોયલેટ, લોકરની સુવિધા પણ મળશે. આ માટે તેને આખા દિવસનું ભાડુ પણ નહીં આપવું પડે. ઓનલાઈન બસ ટિકિટ મળી શકશે. વાઈફાઈની સુવિધા પણ મળશે. રિયલ ટાઈમ મોટા ઈલેક્ટ્રોનિક બોર્ડ હશે જેનાથી આવતી જતી બસની માહિતી મળશે. તે સિવાય શોપિંગ કોમ્પલેક્સ, સિનેમા હોલ, એસી વેટિંગ હોલ, બસ, કાર અને મોટર સાયકલને માટે કાર પાર્કિંગની સુવિધા પણ મળી રહેશે.