દેશ અને દુનિયામાં કોરોનાનો કહેર ચાલી રહ્યો છે ત્યારે દુનિયામાં અત્યાર સુધીમાં 3.22 કરોડ લોકો કોરોનાથી સંક્રમિત મળ્યા છે. આ સમયે રશિયાએ કોરોના વેક્સીન બનાવી લેવાનો દાવો કર્યો છે અને અહીં સામાન્ય લોકો માટે કોરોના વેક્સીન મળી રહી છે.
દેશ અને દુનિયામાં કોરોનાનો કહેર
રશિયાથી આવી રહ્યા છે રાહતના સમાચાર
અહીં લોકો માટે મળી રહી છે વેક્સીન
રશિયાએ કોરોના વાયરસની વેક્સીનને Sputnik V નામ આપ્યું છે. રશિયાનું કહેવું છે કે કોરોના વાયરસના સંકટમાં કોરોના ખતમ કરવા માટે Sputnik V કારગર સાબિત થશે. આ સમયે રશિયાએ લોકો માટે વેક્સીન આપી દીધી છે. મળતી માહિતી અનુસાર Sputnik Vનો પહેલો લોટ રશિયાની રાજધાની મોસ્કોમાં પહોંચાડવામાં આવ્યો છે.
લોન્ચિંગ બાદથી વેક્સીન રહી છે ચર્ચામાં
અગાઉ ઓગસ્ટ મહિનામાં રશિયાએ ગામાલેયા સાયન્ટિફિક રિસર્ચ ઈન્સ્ટીટ્યૂટે Sputnik V વેક્સીન લોન્ચ કરી હતી. લોન્ચિંગ બાદથી આ વેક્સીન ચર્ચામાં છે. જ્યારે હવે વેક્સીનને રશિયાના અન્ય દેશોમાં પણ સપ્લાય કરવાની યોજના પર કામ થઈ રહ્યું છે. ભારતને પણ રશિયાની વેક્સીન મળી શકે છે.
થશે ટ્રાયલ
ભારતના લોકો માટે રશિયાની વેક્સીનને લઈને વાત ચાલી રહી છે. વેક્સીન સપ્લાયની પ્રક્રિયા ટ્રાયલ પૂરી થયા બાદ વર્ષના અંત સુધી શરૂ કરી શકાય તેવી શક્યતા છે. આ વેક્સીનને મંજૂરી આપતા પહેલા ભારતમાં પણ લોકોને તેનું ક્લિનિકલ ટ્રાયલ કરાશે.