આતુરતાનો અંત / દેશનો સૌપ્રથમ 5G હૅન્ડસેટ આ તારીખે થશે લૉન્ચ, કિંમત જાણીને નહીં ગમે

• ભારતમાં રિયલમી લોન્ચ કરશે 5G સ્માર્ટફોન
• 24 ફેબ્રુઆરી થશે લોન્ચ
• કિંમત 50 હજાર રૂપિયાની આસપાસ 

અધિકારીઓએ દાવો કર્યો છે કે, 2018માં શરૂઆત કરનાર રિયલમી 24 ફેબ્રુઆરીના રોજ ભારતમાં પ્રથમ 5જી સ્માર્ટફોન લોન્ચ કરવાની તૈયારીમાં છે. જો કે, હજી દેશમાં તેના કોઇ નેટવર્ક નથી. 

5જી નેટવર્કની દેશભરમાં જોવાઇ રહી છે રાહ 

મોબાઇલ અને ઇન્ટરનેટમાં 5જીની શરુઆતની ભારતને આતુરતાથી રાહ છે. ધનબાદ સ્થિત આઇઆઇટી અને આઇએસએમને 5જી નેટવર્ક માટે એન્ટીના તૈયાર કરવાનો પ્રોજેક્ટ સોંપાયો હતો. સંસ્થાના નિષ્ણાતોના જણાવ્યા અનુસાર અત્યાધુનિક એન્ટીના તૈયાર કરી દેવામાં આવ્યુ છે. તેના સિગ્નલ પ્રોસેસિંગનું કામ પણ પુરુ થઇ ચુક્યુ છે.

આઇઆઇટી ધનબાદના વૈજ્ઞાનિકો એ બન્યું 5G એન્ટીના

આઇઆઇટી આઇએસએમ ધનબાદના ઇલેકટ્રોનિક્સ એન્જિનિયરીંગ વિભાગના વૈજ્ઞાનિકોની ટીમે ખુબ મહેનત બાદ આ એન્ટીના બનાવ્યુ છે. આ પ્રોજેક્ટનુ નામ ડિઝાઇન એન્ડ ડેવલોપમેન્ટ ઓફ મલ્ટી બેન્ડ સર્ક્યુલરલી પોલરાઇઝ્ડ કોમ્પેક્ટ મેટા મટિરિયલ એન્ટીના ફોર મોબાઇલ એપ્લીકેશન રાખવામાં આવ્યુ છે. એન્જિનિયરોના જણાવ્યા મુજબ 5જી નેટવર્કનુ એન્ટીના વિશેષ પ્રકારના તાંબા અને એફઆર-4 એપોક્સી મટિરિયલમાંથી બનાવાયુ છે.

5જી નેટવર્કથી શું ફાયદો થશે
- એન્ટીનાને હેક કરવા પણ હેકર્સ માટે સરળ નહીં હોય.
- બેટરી લાઇફ પાંચ ગણી વધુ છે.
- આકાર અને વજન 4જી જેટલું જ છે.
- 4જીની તુલનામાં 20 ગણી વધુ સ્પીડ મળશે.
- ડેટા ડાઉનલોડ અને અપલોડ થવામાં ખુબ ઓછો સમય લાગશે
- કન્ટેન્ટ, વિડિયો અને અન્ય સેવાઓની બહેતર ક્વોલિટીના કારણે લોકોના જીવનમાં ક્રાંતિકારી પરિવર્તન આવશે.