કોરોનાની વેક્સિન બજારમાં આવે તો તે સમયે દરેક વ્યક્તિને કોરોના વેક્સિન સમયસર મળી રહે અને તે માટે કોઈ અવ્યવસ્થા ન થાય તે માટે સરકારે આગોતરી તૈયારીઓ પૂરી કરી લીધી છે. વેક્સિનનો સ્ટોક રાખવા માટે શહેરમાં ફ્રીઝર આવી ગયાં છે, જે ફ્રીઝર આઇસલાઇન રેફ્રિરેજેટર (આઇએલઆર)ના નામે ઓળખાય છે, જેમને ગોડાઉન ઉપરાંત અન્ય સ્થળોએ ટૂંક સમયમાં ખસેડવામાં આવશે.
જિલ્લામાં પીએચસી, સીએચસીમાં રસીકરણ થશે
પ૦ વર્ષથી વધુના ૧.૦૩ કરોડ લોકોને રસી આપવામાં આવશે
હાલમાં સરકારના પોર્ટલ પર યાદી અપલોડ કરાઇ રહી છે
જિલ્લામાં પીએચસી, સીએચસીમાં રસીકરણ થશે
પહેલાં રસી ગ્રામીણ વિસ્તારમાં અપાશે. ત્યારબાદ શહેરી વિસ્તારમાં અપાશે. રસીકરણ માટે એવી ઇમારતો પસંદ કરવાની કામગીરી ચાલી રહી છે, જેના કેમ્પસ ખુલ્લા હોય અને ત્યાં સોશિયલ ડિસ્ટન્સિંગનું યોગ્ય રીતે પાલન થઇ શકે. વિશાળ કેમ્પસવાળી સ્કૂલો પહેલી પસંદ થાય તેવી શક્યતા છે. જિલ્લામાં પીએચસી, સીએચસીમાં રસીકરણ થશે.
હાલમાં સરકારના પોર્ટલ પર યાદી અપલોડ કરાઇ રહી છે
એક અંદાજ મુજબ ગુજરાતમાં ૩.૯ લાખ હેલ્થ વર્કરને રસી આપવામાં આવે તેવી શક્યતા છે. પહેલા તબક્કામાં હેલ્થ વર્કર, નર્સિંગ સ્ટાફ, લેબ ટેકનિશિયન્સનો સમાવેશ થાય છે. આ યાદીમાં પણ કોને પહેલાં આપવી તેનો અગ્રતાક્રમ (પ્રાયોરિટી) કેન્દ્ર સરકાર નક્કી કરશે. બીજા વિભાગમાં કોરોના વોરિયર્સનો સમાવેશ થાય છે, જેમાં પોલીસ વિભાગ, પાલિકાના તમામ સફાઇ કર્મચારીઓ અને એવા શિક્ષકો, જેમણે કોરોનાની કામગીરીમાં ફરજ બજાવી છે. હાલમાં સરકારના પોર્ટલ પર યાદી અપલોડ કરાઇ રહી છે. રસીની સુરક્ષા માટે પોલીસ વિભાગ પણ વિશેષ બંદોબસ્ત ગોઠવશે.
રસીકરણ આ માસના અંતિમ સપ્તાહમાં કે જાન્યુઆરીના પ્રારંભે શરૂ થવાની શક્યતા
જિલ્લા કલેક્ટરના વડપણ હેઠળ કામગીરી કરવામાં આવશે. સંભવિત જિલ્લા-તાલુકા કક્ષાએ ટાસ્ક ફોર્સ કમિટીમાં કલેક્ટર (વડા) આરોગ્ય અધિકારી, જિલ્લા રમતગમત અધિકારી, જિલ્લા શિક્ષણ અધિકારી, જિલ્લા વિકાસ અધિકારી, સિવિલ સર્જન, જિલ્લા પોલીસવડા, માહિતી અધિકારીનો સમાવેશ થાય છે. રસીકરણ આ માસના અંતિમ સપ્તાહમાં કે જાન્યુઆરીના પ્રારંભે શરૂ થવાની શક્યતા છે.
પ૦ વર્ષથી વધુના ૧.૦૩ કરોડ લોકોને રસી આપવામાં આવશે
આ ઉપરાંત પ૦ વર્ષથી વધુના ૧.૦૩ કરોડ લોકોને રસી આપવામાં આવશે, જેમાં કોમોર્બિડિટી ધરાવતા લોકોને પ્રાયોરિટી (અગ્રતાક્રમ) આપવામાં આવશે. જ્યારે પ્રાયોરિટી ગ્રૂપ-ર જેમાં પોલીસ બાદ સફાઇ કર્મચારી અને ડિઝાસ્ટર મેનેજમેન્ટ સાથે સંકળાયેલા લોકોને અપાશે, જોકે આ યાદી અંગે હજુ કોઇ આખરી નિર્ણય લેવાયો નથી, છતાં પ્લાનિંગ આ મુજબ કરાયું હોવાનું સૂત્રો દ્વારા જાણવા મળે છે.