રાહત / હરખના સમાચાર ! પ્રાઈવેટ નોકરી કરનાર લોકો માટે મોટી ખબર, આવતા વર્ષે મળશે આટલો પગાર વધારો

• 2023માં દેશની કંપનીઓ 10 ટકા પગાર વધારો આપી શકે 
• વિલિસ ટાવર્સ વોટસનના રિપોર્ટમાં કરાયો દાવો 
• 58 ટકા માલિકોએ પગાર વધારા માટે બજેટ તૈયાર રાખ્યું છે 
• એશિયામાં સૌથી વધારે પગાર વધારો ભારતમાં થશે 

2023નું વર્ષ નોકરિયાત વર્ગ માટે મોટા હરખના સમાચાર લઈને આવી રહ્યું છે. આ વર્ષમાં નોકરિયાતના પગારમાં ઘણો વધારો થવાનો છે તેવો દાવો એક રિપોર્ટમાં કરાયો છે. બ્રોકિંગ અને સોલ્યુશન સર્વિસ પ્રોવાઇડરના ગ્લોબલ કન્સલ્ટન્ટ વિલિસ ટાવર્સ વોટસનના રિપોર્ટમાં દાવો કરાયો છે કે ભારતમાં કંપનીઓ 2022-23 દરમિયાન પગારમાં 10 ટકાનો વધારો કરવાની વ્યવસ્થા કરી રહી છે. ગયા વર્ષે વાસ્તવિક પગાર વધારો 9.5 ટકા હતો. રિપોર્ટ અનુસાર, ભારતમાં અડધાથી વધુ (58 ટકા) એમ્પ્લોયરોએ ગયા વર્ષની તુલનામાં ચાલુ નાણાકીય વર્ષ માટે ઊંચા વેતન વધારાનું બજેટ બનાવ્યું છે.

25 ટકા કંપનીઓએ બજેટ યથાવત રાખ્યું 
રિપોર્ટમાં એવો પણ દાવો કરાયો છે કે 25 ટકા કંપનીઓ કદાચ તેમના કર્મચારીઓ ન આપી શકે કારણ કે તેમણે તેમના બજેટમાં કોઈ વધારો કર્યો નથી.  2021-22ની તુલનામાં માત્ર 5.4 ટકા લોકોએ બજેટમાં ઘટાડો કર્યો છે. રિપોર્ટ અનુસાર એશિયા પેસિફિક (APAC) ક્ષેત્રમાં ભારતમાં પગાર સૌથી વધારે વધશે. ભારતની 590 કંપનીઓના સર્વેને આધારે આ રિપોર્ટ તૈયાર કરાયો હતો. 

આ કંપનીઓ લોકોને આપશે વધારે રોજગારી 
ભારતમાં 42 ટકા કંપનીઓ બિઝનેસમાંથી સકારાત્મક આવકની આશા રાખીને બેઠી છે જ્યારે ફક્ત 7.2 ટકા કંપનીઓને બિઝનેસમાંથી આવક થવાની કોઈ આશા નથી. તે ઉપરાંત, આગામી 12 મહિનામાં આઈટી, એન્જિનિયરિંગ, સેલ્સ, ટેકનીકલી સ્કીલ્ડ ટ્રેડ્સ અને ફાઈનાન્સ કંપનીઓ વધારેમાં વધારે લોકોને નોકરીઓ આપશે. 

2023ના વર્ષમાં 10 ટકા પગાર વધારાની આશા

નોકરીયાત વર્ગને 2023ના વર્ષમાં 10 ટકા પગાર વધારો મળવાની આશા છે. કંપનીઓએ તેને માટે અલગથી બજેટ પણ તૈયાર કરી રાખ્યું છે.