મોરબી: ઓરમ સિરામીક ફેક્ટરીમાં મોડી રાત્રે ફાયરિંગ 2 શ્રમિકો થયાં ઘાયલ

મોરબીની ઓરમ સિરામીકમાં મોડી રાત્રે ફાયરિંગની ઘટના સામે આવી છે. પાવડીયાળી પાસે ઓરમ સિરામીકમાં ફાયરિંગ થયુ હતું. ઓરમ સિરામીકમાં એક વેપારીઓ પોતાના બચાવમાં ફાયરિંગ કર્યુ હતું. મજૂરો સાથે પગાર બાબતે બોલાચાલી થઈ હતી.

આ દરમિયાન મજૂરોએ ઓફિસ પર હુમલો કર્યો હતો. ફાયરિંગમાં 2 મજૂરો ઈજાગ્રસ્ત થયા હતા. ત્યારબાદ ઈજાગ્રસ્ત 2 મજૂરોને સિવિલ હોસ્પિટલમાં ખસેડાયા હતા. આ મામલે તાલુકા પોલીસ સ્ટેશનમાં ફરિયાદ નોંધાઈ છે. પોલીસે ફરિયાદના આધારે તપાસ હાથધરી છે.

આ ઘટના મામલે મળતી જાણકારી મુજબ મોરબી ખાતે આવેલ ઓરમ સિરામીક ખાતે ગતમોડી રાત્રે ફાયરિંગનો બનાવ બનતા વાતાવરણમાં ગરમાવાયો છવાઇ ગયો હતો. ફાયરિંગની આ ઘટના મજૂરો સાથેની પગાર બાબતની માથાકૂટ દરમિયાન થઇ હોવાનું પ્રાથમિક તપાસમાં ખુલવા પામ્યું હતું. 

આ બનાવમાં 2 મજૂરો ઇજાગ્રસ્ત થતાં તેમને તાત્કાલિક અસરથી નજીરના દવાખાને સારવાર અર્થે ખસેડવામાં આવ્યા હતા. આ મામલાની જાણ નજીકના પોલીસ મથકે થતાં અધિકારીઓ સહિત પોલીસ કાફલો ઘટના સ્થળે આવી પહોંચ્યો હતો અને CCTV ની તપાસ હાથ ધરી હતી.