IPLIN
 
  • Home
  • India
  • firing by bjp leader manju tiwari to defeat coronavirus

VIDEO / PM મોદીની દીવા પ્રગટાવવાની અપીલને સમર્થન આપવા ભાજપના આ નેતાએ હવામાં કર્યા ભડાકા

Team VTV 04:00 PM, 06 Apr 20
Follow us
firing by bjp leader manju tiwari to defeat coronavirus

કોરોના વાયરસ વિરૂદ્ધની જંગમાં પ્રધાનમંત્રી મોદીની અપીલને પગલે 5 એપ્રિલની રાતે 9 વાગે 9 મિનિટ સુધી દીવો અને મીણબત્તી તથા ટોર્ચ કરીને સૌએ એકતાનો સંદેશ આપ્યો હતો. આ તમામ ઘટના વચ્ચે ઉત્તર પ્રદેશના બલરામપુર જિલ્લાના ભાજપના મહિલા મોરચાના જિલ્લાધ્યક્ષ મંજૂ તિવારીએ કોરોના ભગાડવા માટે હવામાં ફાયરિંગ કર્યું હતું. 

  • કોરોના વિરૂદ્ધ જંગમાં પ્રધાનમંત્રીએ લોકોને દીપ પ્રગટાવવાની કરી અપીલ
  • ઉત્તર પ્રદેશ ભાજપના નેતાએ હવામાં કર્યા ગોળીબાર
  • વીડિયો થયો વાયરલ 

ઉલ્લેખનીય છે કે, તેમણે આ મામલે કહ્યું કે, ઉત્સાહમાં આવીને હવામાં ગોળીબાર કર્યો હતો. આ સાથે જ તેમણે પોતાનો હવામાં ફાયરિંગ કરતો વીડિયો ફેસબુક પર પણ શેર કર્યો હતો. જો કે, વીડિયો વાયરલ થયાં બાદ વિવાદ સર્જાતા તેમણે આ ઘટના અંગે માફી માગી હતી. 

મહિલા પ્રમુખે માગી માફી 

ભાજપ મહિલા મોરચાના જિલ્લા પ્રમુખ મંજુ તિવારીએ આ ઘટના અંગે સ્પષ્ટતા કરીને લોકોની માફી માંગી હતી. તેણીએ કહ્યું કે ગઈકાલે જ્યારે હું ઘરની બહાર નીકળ્યો ત્યારે તેને દિવાળી જેવો માહોલ લાગ્યો. આથી તેણી ઉત્સાહિત થઈને હવામાં ફાયરિંગ કર્યું હતું. આ ઘટનાને લઇને હું ખૂબ જ શરમ અનુભવું છું અને હવે ફરીથી આવી ભૂલો નહીં કરીશ.

કોંગ્રેસે કર્યા આકરા પ્રહાર 

આ મામલે ઉત્તર પ્રદેશ કોંગ્રેસે ભાજપ પર નિશાન સાધતા કહ્યું હતું કે કાયદો તોડવામાં ભાજપના નેતાઓ મોખરે છે. ગઈકાલે વડા પ્રધાનની અપીલ હતી કે દીપ પ્રગટાવવામાં આવે, પરંતુ જુઓ કે કેવી રીતે ભાજપના નેતા તથા બલરામપુર ભાજપ મહિલા મોરચાના પ્રમુખે પ્રદર્શન માટે ખુલ્લેઆમ ફાયરિંગ કરી અને વીડિયો ફેસબુક પર મૂક્યો. શું યોગી આદિત્યનાથ આ અંગે કાર્યવાહી કરશે?
 

Coronavirus Video viral BJP leader વાયરલ વીડિયો ભાજપ કોંગ્રેસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ