કચ્છમાં પૂર્વ કોંગ્રેસી આગેવાન આમદ ભટ્ટીના ઘર પર ફાયરિંગ થયું છે. ઘરના ગેટ પર ફાયરિંગ કર્યાની ફરિયાદ નોંધાઈ છે. અજાણ્યા શખ્સો દ્વારા હુમલો કરવામાં આવ્યો છે. ત્યારે આ મામલે આગેવાનના પુત્રએ A ડિવિઝન પોલીસ સ્ટેશનમાં ફરિયાદ નોંધાવી છે. ત્યારે પોલીસ અને FSL સહિતની ટીમની મદદથી તપાસ કરશે.
આ ઘટના મામલે મળતી જાણકારી મુજબ કચ્છના પૂર્વ કોંગ્રેસી આગેવાન અને એક સમયના નગરપાલિકાના પૂર્વ કાઉન્સિલર આમદ ભટ્ટીના ઘર પર ગત મોડી રાતે ફાયરિંગની ઘટના બની હતી આ ઘટના અંગેની જાણ નજીકના પોલીસ મથકે થતાં પોલીસ અધિકારીઓને કાફલો તાત્કાલિક અસરથી ઘટના સ્થળે આવી પહોંચ્યો હતો અને પ્રાથમિક તપાસ હાથ ધરી હતી.
#Kutch માં પૂર્વ #Congress આગેવાન આમદ ભટ્ટીના ઘર પર ફાયરીંગ
આગેવાનના પુત્રએ ઘરના ગેટ પર ફાયરીંગ કર્યાની ફરીયાદ
અજાણ્યા શખ્સો દ્રારા હુમલો કરાયાની ફરીયાદ
પોલીસના ઉચ્ચ અધિકારીઓએ તપાસ શરૂ કરી
એ ડીવીઝન પોલીસ સ્ટેશને નોંધાવી ફરિયાદ
પોલીસ FSL સહિતની ટીમની મદદથી કરશે તપાસ pic.twitter.com/dfyQHANuPO
ઉલ્લેખનીય છે કે સ્થાનિક પોલીસને પ્રાથમિક તપાસમાં ફાયરિંગ અંગેના ચોક્કસ સુરાગ પ્રાપ્ત થઇ શક્યા નહોંતા પરંતુ ઘરના મુખ્ય દરવાજા પર ફાયરિંગ જેવું એક નિશાન મળી આવ્યું હતું. કોંગ્રેસના પૂર્વ આગેવાન હાલ ગુજરાત બહાર હોવાથી આ ઘટનાની ફરિયાદ તેમના પુત્રએ A ડિવિઝન પોલીસ સ્ટેશનમાં ફરિયાદ નોંધાવી છે.
જો કે આ પ્રકારની ઘટનાને અંજામ શા માટે આપવામાં આવ્યો હતો અને અંજામ આપનારા કોણ હતા તે અંગે હજી સુધી સ્પષ્ટ રીતે જાણી શકાયું નથી. પોલીસે આ મામલાની નોંધ ગંભીરતાથી નોંધ લઇને તપાસ હાથ ધરી છે. તો આ તરફ સમાજના અન્ય અગ્રણીઓએ ફાયરિંગ કરનારને ઝડપથી ઝડપી લેવામાં આવે તેવી માગ પણ ઉચ્ચારી હતી.