અમદાવાદમાં 600 હોસ્પિટલમાં ફાયર સેફ્ટી નથી અને સરકારી હોસ્પિટલોમાં જ ઝોલ જોવા મળી રહ્યા છે. ફાયર વિભાગ દ્વારા 30 હોસ્પિટલોને નોટીસ ફટકારવામાં આવી છે વળી સોલા સિવિલમાં વારંવાર નોટીસ આપવા છતાં પણ કોઈ પગલા ન લેવાતા હોવાનું ખુદ ફાયરવિભાગે કબૂલ્યું છે.
હોસ્પિટલોની ફાયર NOC મુદ્દે કાર્યવાહી
પશ્ચિમ વિસ્તારની 30 હોસ્પિટલને નોટિસ
ફાયર વિભાગના ચેકિંગમાં થયો ઘટસ્ફોટ
અમદાવાદમાં હોસ્પિટલોની ફાયર NOC મામલે મોટી કાર્યવાહી સામે આવી છે. પશ્ચિમ વિસ્તારની 30 હોસ્પિટલને નોટિસ અપાઇ છે. ફાયર વિભાગના ચેકિંગમાં ઘટસ્ફોટ થયો છે. અમદાવાદની 600 હોસ્પિટલ પાસે ફાયર NOC જ નથી.
સોલા સિવિલ હોસ્પિટલને અપાઇ છે અનેક નોટિસ
અમદાવાદ ફાયર વિભાગના વડા M F દસ્તુરે જણાવ્યું હતુ કે, સોલા સિવિલમાં વારંવારની નોટિસ છતાં ફાયરના સાધનો નથી લગાવાયા. સોલા સિવિલ મામલે સરકારને ધ્યાન દોરીશું. તમામ હોસ્પિટલ સામે ફાયર વિભાગ કરશે કાર્યવાહી કરશે. કુલ 1000 હોસ્પિટલને 2 મહિનામાં નોટિસ અપાઈ છે.