Fire / વડોદરા નવા યાર્ડ વિસ્તારમા ભયંકર આગ, 10થી વધુ ફાયરની ગાડીઓ ઘટના સ્થળે, મેજર કોલ જાહેર

• બરોડા નેશનલ કેમિકલ કંપનીમાં ભીષણ આગ
• ફાયર વિભાગની કુલ 10 ગાડીઓ ઘટના સ્થળે
• કંપની સ્ટોરેજ રૂમમા લાગી આગ

વડોદરામાં બરોડા નેશનલ કેમિકલ કંપનીમાં ભીષણ આગ લાગી છે જેને પગલે ફાયરની 10 ગાડી ઘટના સ્ષળે પહોચી ગઈ છે અને આ કોલને મેજર કોલ જાહેર કરાયો છે. કંપનીના સ્ટોરેજ રૂમમાં આગ લાગી છે. 

આગની જ્વાળાઓ અને ભયાનક સ્વરૂપને જોતા આ આગ ભારે નુકસાની કરશે એવું હાલ તો વર્તાઈ રહ્યુ છે. તંત્ર તમામ સુરક્ષાના પગલાઓ સાથે આગને કાબૂમાં લેવાના પ્રયાસ કરી રહ્યુ છે. હાલ તો ધુમાડાના ગોટેગોટા જોવા મળી રહ્યા છે.

ફાયર સેફ્ટી વગર કેમીકલ ફેક્ટરી ચાલતી હતી

વડોદરામા શહેરના મધ્યમા ચાલતી કેમીકલ ફેક્ટરીમાં આગ લાગી હતી જેમાં જીપીસીબીની ગંભીર બેદરકારી સામે આવી છે. ફેક્ટરીમાં કોઈ પણ પ્રકારની ફાયર સેફ્ટીની સુવિધા જ નથી. ફાયર સેફ્ટી વગર કેમીકલ ફેક્ટરી ચાલતી હતી. નેશનલ કેમિકલ ફેક્ટરી શહેરના મધ્યમાં ચાલતી હતી. આગ લાગી તે બિલ્ડીગની બાજુમાં કેમીકલનુ ગોડાઉન છે. 
ગોડાઉનમાં કેમિકલ પ્રોસેસ કરાતુ હોવાનુ VTVની તપાસમા આવ્યુ સામે આવ્યુ છે.