સુરતના વેસુ વિસ્તારમાં આગમ આર્કેડની દુકાનમાં આગ લાગતા દોડધામ મચી હતી. બિલ્ડીંગમાં ચાલતા ટ્યુશન ક્લાસીસમાં 70 જેટલા વિદ્યાર્થીઓ આગને કારણે ફસાયા હતા. ભારે જહેમત બાદ આગ પર કાબૂ મેળવવામાં આવ્યો હતો અને ફસાયેલા વિદ્યાર્થીઓને બચાવવા કવાયત હાથ ધરવામાં આવી હતી.
આ સાથે જ 8 વિદ્યાર્થી અને એક મહિલા શિક્ષકને સારવાર માટે ખસેડવામાં આવ્યા હતા. જ્યાં સારવાર દરમિયાન એક વિદ્યાર્થીનું મોત થયું છે જ્યારે એક વિદ્યાર્થીની હાલત ગંભીર છે. આ મામલે પ્રાથમિક તપાસ હાથ ધરવામાં આવતા આગ ફાયર સેફ્ટીના અભાવ અને વેન્ટીલેશનની પુરતી સુવિધા નહીં હોવાને કારણે લાગી હોવાનું પ્રકાશમાં આવ્યું હતું.
વેસુના આગમ આર્કેડમાં ગ્રાઉન્ડ ફ્લોર પર આવેલી શોપમાં અચાનક લાગેલી આ આગ એટલી પ્રચંડ હતી કે આગના ધુમાડા જોત જોતામાં સમગ્ર આર્કેડમાં ફેલાયા હતાં. દુકાનની ઉપરના માળે આવેલી હોસ્પિટલમાં આગના ધુમાડા પહોંચતાં લોકો ફસાયા હતાં.
#Surat ના વેસુ વિસ્તારમાં આગની ઘટના#AagamAarcade ની દુકાનમાં આગથી દોડધામ
6 ફાયરબ્રિગેડ દ્વારા આગ પર કાબૂ મેળવવા પ્રયાસ
બિલ્ડીંગમાં ચાલતું હતું ટ્યુશન ક્લાસીસ
આગમાં 70 જેટલા વિદ્યાર્થીઓ ફસાયા
ભારે જહેમત બાદ આગ પર મેળવાયો કાબૂ
ફસાયેલા વિદ્યાર્થીઓને બચાવવા હાથધરાઈ કવાય
(File) pic.twitter.com/Xsufuudg1y
જેમને ફાયરબ્રિગેડના જવાનોએ ક્રેઈન દ્વારા બહાર કાઢ્યાં હતાં. મહત્વનું છે કે આગ લાગ્યા બાદ ધુમાડો નીકળવા માટેનો કોઈ રસ્તો ન હોવાથી કલાસીસમાં જ ધુમાડાના ગોટા રહ્યાં હતાં. જેથી બાળકો ગૂંગળામણ અનુભવવા લાગ્યાં હતાં.
ધુમાડાના કારણે એક વિદ્યાર્થી બેભાન થયો હતો. ધુમાડાને બહાર કાઢવા માટે ફાયરબ્રિગેડના જવાનોએ કાચ તોડ્યાં હતાં. ત્યારબાદ ધુમાડાના ગોટા બહાર નીકળ્યાં હતાં. કાચ તોડતા એક બાળકને કાચ પણ વાગ્યો હતો.