સુરતમાં એક કારમાં આગ લાગવાની ઘટના સામે આવી છે. સુરતના નવા બનેલા કેબલ સ્ટેઈડ બ્રિજ પર કારમાં અચાનક આગ લાગી હતી.
કારમાં આગ લાગતાં અફરાતફરી મચી ગઈ હતી. જોકે કાર ચાલક સમયસર બહાર નીકળી જતાં તેનો આબાદ બચાવ થયો હતો. કારમાં આગ કયા કારણોસર લાગી તે હજુ અકબંધ છે.
આ મામલે મળતી જાણકારી મુજબ આજરોજ સુરતના નવા બનેલા કેબલ સ્ટેઇડ બ્રિજ પર એક કારમાં આગ લાગી હતી. આગ લાગવાની ઘટના બનતા આસપાસના વિસ્તારમાં અફરાતફરીનો માહોલ જોવા મળ્યો હતો. જો કે કાર ચાલક આગ લાગતાની સાથે જ નીચે ઉતરી જતાં તેનો આબાદ બચાવ થયો હતો.
આ ઘટના અંગેની જાણકારી નજીકના ફાયર વિભાગને કરવામાં આવતા તેઓ ઘટના સ્થળે આવી પહોંચ્યા હતા અને પાણીનો મારો ચલાવ્યો હતો.
ઉલ્લેખનીય છે કે કારના બોનેટમાં લાગેલી આગે થોડીવારમાં વિકરાળ સ્વરૂપ ધારણ કરી લીધું હતું. કારમાં આગ બાદ ટ્રાફિક પોલીસે કારની આસપાસ વાહન લઈને ઉભા રહેલા લોકોને દૂર કર્યા હતા. તો ટ્રાફિક પણ જામ થઇ ગયો હતો. જો કે આગ લાગવા અંગેનું કારણ હજી જાણી શકાયું નથી.