ગોરેગાંવમાં બહુમાળી બિલ્ડિંગમાં આગ 3 લોકોના મોત 2ની હાલત ગંભીર

મુંબઈઃ ગોરેગાંવ વેસ્ટમાં એસ.વી. રોડ પર આવેલી ટેક્નિક પ્લસ બિલ્ડિંગમાં આગલાગી હતી. આગ લાગવાના કારણે 3 લોકોના મોત નિપજ્યાં છે. જ્યારે 2 લોકો ઘાયલ થયા છે. સ્થાનિક લોકોનું માનીએ તો બિલ્ડિંગના સાતમા માળે આગ લાગી તે સમયે બિલ્ડિંગમાં 7 લોકો હતા. જેમાંથી 3 લોકો લાપતા થયા હતા.

જ્યારે અન્ય લોકોને બચાવી લેવાયા હતા. આગ લાગ્યાની જાણ થતાં જ ફાયર બ્રિગેડની ટીમ દોડી આવી હતી. અને 8 જેટલા ફાયર ફાઈટરની મદદથી આગ પર કાબૂ મેળવાયો હતો.

જોકે 4 જેટલા ફાયર કર્મીઓને શ્વાસ લેવામાં મુશ્કેલી પડી રહી હતી. તો એક ફાયરકર્મી પણ ઘાયલ થયો હતો.