દૂર્ઘટના / સુરતમાં ફરીવાર લાગી આગ, બે મજૂર ગંભીર રીતે દાઝી ગયા

• બ્લાસ્ટને કારણે મચી દોડધામ
• બાયો ડિઝલના ગોડાઉનમાં લાગી છે આગ
• ફાયર વિભાગ,વીજ કંપનીના કર્મચારીઓ ઘટના સ્થળે

સુરત ના પીપોદરા જી.આઈ.ડી.સી વિસ્તારમાં ભીષણ આગ ની ઘટના બની, બાયો ઓઇલ ના સંગ્રહ કરતા ગોડાઉનમાં એકાએક આગ ભભૂકી ઉઠી હતી. 4 જેટલા ફાયર ફાઈટરના જવાનો દ્વારા આગ ને કાબુમાં લેવા જહેમત ઉઠાવી હતી. ઘટના ને પગલે સુરત જીલ્લા પોલીસ નો કાફલો ઘટના સ્થળે પહોંચ્યો હતો.
 
સુરત જિલ્લાના  પીપોદરા જી.આઈ.ડી.સી વિસ્તારમાં આગની ઘટના બની હતી. બાયો ઓઇલ ના સમગ્ર કરતા ગોડાઉનમાં આગ ની ઘટના બની. એકા એક લાગેલ આગને પગલે સમગ્ર ગોડાઉન માં પ્રસરી હતી. જોકે આગ ને પગલે ગોડાઉન માં કામ કરતા બે કર્મચારીઓ દાજી ગયા હતા. આગ માં દાજી ગયેલ બંને કર્મચારી 108 મારફતે નજીક ની હોસ્પિટલમાં સારવાર અર્થે ખસેડવામાં આવ્યા હતા. 

જોકે ગોડાઉનમાં લાગેલ ને કારણે સમગ્ર સંગ્રહિત જથ્થો ઓઇલ માં પ્રસરતા આગ અને ધુમાડાના ગોટેગોટા દેખાયા હતા. સમગ્ર ગોડાઉન પતરાના સેડનું બનેલ હોઈ જેને લઈ ફાયર વિભાગ ને આગ કાબુ માં લેવામાં ભારે જહેમત ઉઠાવી પડી હતી. આગ એટલી હદે વિકરાળ હતી કે જેને કારણે એક બાદ એક ગોડાઉન માં બ્લાસ્ટ થયા હતા. જેને પગલે આસપાસ ના વિસ્તારમાં માં આવેલ ફેટરીઓને સાવચેતી ના ભાગરૂપે બંધ કરાવવાની ફરજ પડી છે. 

આગ ની ઘટના પગલે સુરત જિલ્લાના એસ.ઓ.જી એલ.સી.બી સહિત કોસંબા તેમજ કામરેજ પોલીસ તેમજ જીલ્લા ડી.વાય.એસ.પી, તેમજ સુરત ગ્રામ્ય પોલીસ વડાએ પણ ઘટના સ્થળે પહોંચી સમગ્ર પરિસ્થિતિ નો તાત મેળવ્યો હતો. મહત્વનું છે કે ફાયર વિભાગ સતત પાણી નો માળો ચલાવ્યા બાદ પણ આગ કાબુ માં ન આવતા તેમજ ફાયર વિભાગ પાસે પાણી પુરવઠો ખૂટી જતા બાજુ માંથી પસાર થતી નાની કેનાલ માંથી પાણી લેવાની ફરજ પડી હતી. જોકે કલાકોની ભારે જહેમત બાદ આગ કાબુ માં આવી હતી. જોકે ક્યાં કારણોસર આગ ની ઘટના બની છે તે હાલ અકબંધ છે. 

 મહત્વનું છે કે માંગરોળ તેમજ પીપોદરા સહિત ની જી.આઇ.ડી.સી માં જ્યારે આગ ની ઘટના બને છે ત્યારે ફાયર સ્ટેશન ના અભાવ માં કારણે ફાયર ફાઈટરો મોડા પહોંચવા ના કારણે આગ ને પગલે કંપની માલિકોને ભારે નુકસાન વેઠવાનો વારો આવે છે.