સુરત હોસ્પિટલમાં ભયંકર આગ લાગી છે. 8થી 10 ફાયરની ગાડીઓ હોસ્પિટલ પહોંચી બચાવ કામગીરી શરૂ કરી દીધી છે.
સુરત ટ્રાઇ સ્ટાર હોસ્પિટલમા આગ
ફાયર વિભાગની 8 થી 10 ગાડીઓ ઘટના સ્થળે
ફાયર જવાનો દ્વારા દર્દીઓ રેસ્કુય હાથ ધર્યુ
સુરત ટ્રાઇ સ્ટાર હોસ્પિટલમા આગ લાગી છે. ફાયર વિભાગની 8 થી 10 ગાડીઓ ઘટના સ્થળે પહોંચી છે અને ફાયર જવાનો દ્વારા દર્દીઓ રેસ્કુય હાથ ધરાયું છે. 16 દર્દીઓને બહાર કાઢવામાં આવ્યા.
સુરત શહેરના નાનપુરા વિસ્તારમાં આવેલી ટ્રાઈસ્ટાર હોસ્પિટલમાં આગ ફાટી નીકળતા અફરાતફરીનો માહોલ સર્જાયો છે. ઘટનાની જાણ થતા ફાયર વિભાગની 9થી 10 ગાડીઓ ઘટના સ્થળે પહોંચી ગઈ છે. હોસ્પિટલમાં રહેલા દર્દીઓને બહાર કાઢવામાં આવી રહ્યા છે.
રાહદારીઓ મદદે આવ્યા
ટ્રાઈસ્ટાર હોસ્પિટલમાં આગ લાગી હોવાની જાણ થતા નજીકમાં પોઈન્ટ પર ફરજ બજાવતા ટીઆરબી જવાન પણ દોડી આવ્યા હતા. આગની જાણ થતા ફાયર કાફલો પણ પહોંચી ગયો હતો. પ્રથમ ફાયર વિભાગે દર્દીઓનું રેસ્કયુ હાથ ધર્યું હતું. જેમાં ટીઆરબી જવાન, રાહદારીઓ, નર્સિંગ સ્ટાફ અને ડોક્ટરોની મદદથી ફાયરના જવાનોએ દર્દીઓને બહાર કાઢ્યા હતા.
મીડિયા સાથે હોસ્પિટલનું ગેરવર્તન
હોસ્પિટલના બાઉંસરોએ કરી દાદાગીરી
હોસ્પિટલના સ્ટાફે માીડિયા કર્મીઓ સાથે કરી ધક્કામુક્કી