રાજ્યમાં એક બાદ એક આગની ઘટનાઓમાં વધારો થઇ રહ્યો છે, જ્યારે વધુ એક આગની ઘટના સુરતમાથી સામે આવી છે. સુરતના પીપોદરા GIDCમાં ભીષણ આગ લાગ લાગતાં દોડધામ મચી હતી.
સુરતના પીપોદરા નજીક GIDCમાં એક ગોડાઉનમાં આગ લાગી હતી. GIDCના બંધ ગોડાઉનમાં ભીષણ આગ લાગતા અફરા-તફરીનો માહોલ છવાયો હતો. આગને લઈને 4 કિલોમીટર દૂરથી ધુમાડા છવાયો હતો. જ્યારે ફાયર ફાયટરો ઘટના સ્થળે પહોંચ્યા હતા.
ગોડાઉનમાં કેમિકલના ડ્રમના જથ્થામાં આગ લાગતા થોડી જ વારમાં વિકરાળ સ્વરૂપ ધારણ કર્યું હતું. તો આ ઘટનાની જાણ ફાયર વિભાગને થતા ઘટના સ્થળે પહોંચીને આગપર કાબૂ મેળવાની કામગીરી હાથ ધરી હતી. જો કે, સદનસીબે કોઈ જાનહાની થઈ નથી. તો આગ લાગવાનું કારણ અકબંધ છે.