દિયોદરમાં શોપિંગ સેન્ટરમાં ભયંકર આગ દુકાનો સળગી-કરોડોનું નુકસાન

બનાસકાંઠાઃ દિયોદરમાં શોપિંગ સેન્ટરમાં આગ લાગવાની ઘટના સામે આવી છે. દિયોદર પોલીસ સ્ટેશન સામે હેપ્પી શોપિંગ સેન્ટરમાં આગ લાગતા અફરા-તફરીનો માહોલ સર્જાયો છે. હેપ્પી શોપિંગ સેન્ટરમાં 5 દુકાનોમાં આગ લાગી હતી.

આ આગ લાગતા કરોડો રૂપિયાનુ નુકસાન થયુ છે. આ ઘટનાની જાણ થતા થરાદ અને ભાભરના ફાયર ફાઈટરો ઘટના સ્થળે દોડી આવ્યા હતા.



ઉલ્લેખનીય છે કે અમદાવાદના ચંડોળા તળાવ પાસે ઝૂંપડપટ્ટીમાં ભીષણ આગ લાગી હતી. જેના કારણે 300થી વધુ ઝૂંપડાં બળીને ખાખ થયા હતા.

આ ઘટના સર્જાતા સમગ્ર વિસ્તારમાં અફરા-તફરીનો માહોલ સર્જાયો હતો. આ ઘટનાની જાણ થતા ફાયર ફાઈટરની 25 ગાડીઓ ઘટના સ્થળે દોડી આવી હતી.

આ ઘટનામાં 3 લોકો ઈજાગ્રસ્ત થયા છે. ફાયર વિભાગના અધિકારીઓએ 4 કલાકની જહેમત બાદ આગ પર કાબુ મેળવ્યો હતો. એક બાદ એક કુલ 8 ગેસના બાટલા લીકેજ થતા આગ લાગી હતી.