અમદાવાદના દિલ્લી દરવાજા પાસે આગની ઘટના બનતા અફરાતફરીનો માહોલ સર્જાયો છે. દિલ્લી ચકલા પાસેની ખજૂરી પોળમાં તેલના ગોડાઉનમાં ભયવાહ આગ ભભૂકી ઉઠતાં ધુમાડાના ગોટેગોટા નીકળી રહ્યા છે. ફાયર વિભાગની 6 ગાડીઓ ઘટના સ્થળે પહોંચી આગ પર કાબૂ મેળવવાનો પ્રયાસ કરી રહી છે. આગ લાગવાનું કારણ અકબંધ છે પણ તેલનું ગોડાઉન હોવાથી આગે વિકરાળ સ્વરૂપ ધારણ કર્યું છે. રહેણાંક વિસ્તાર ગીચ હોવાથી ફાયર ટીમને આગ ઓલવવા વધુ મહેનત કરવી પડી રહી છે.જો ગુજરાતની વાત કરીએ તો આગની આ 6મી ઘટના છે.
આગની ઘટનાના 6 બનાવો
રાજ્યમાં આજે આગની ઘટનાના 6 બનાવો બન્યા હતા. જેમાંથી એક મોરબીના સનળા રોડ પર આવેલ માર્કેટ યાર્ડમાં આગ લાગતા કપાસનો પાક બળીને ખાખ થઈ ગયો હતો. તો સુરતમાં મંડપના ગોડાઉનમાં આગ લાગી હતી. આ ઉપરાંત ભરૂચમાં ફર્નિચરના શો રૂમમાં પણ આગ લાગવાની ઘટના બની હતી. તો વડોદરામાં પાર્કિંગમાં મુકેલી કારમાં અચાનક આગ લાગતા કાર બળીને ખાખ થઈ ગઈ હતી. તો હાલ શનિવારની રાત્રે અમદાવાદના દિલ્લી ચકલા પાસે તેલના ગોડાઉન વિકરાળ આગ લાગી છે. આમ આજનો શનિવાર સંકટનો વાર રહ્યો હતો.
આજે કયા કયા આગી લાગ અને કેટલું નુકસાન
સુરતના સરથાણા વિસ્તારના સીમાડા કેનાલ રોડ પર પ્રમુખ પાર્કિંગમાં આગની ઘટના ઘટી હતી. મંડપ સર્વિસના ગોડાઉનમાં આગ લાગતા શિવધારા ટાયરના ગોડાઉનમાં સુધી આગ પ્રસરી હતી. 5 ફાયર ફાઇટરની ગાડી ઘટના સ્થળે પહોંચી આગ કાબૂમાં લીધી હતીભરૂચ પાલેજ ફર્નિચરની દુકાનમાં પણ આગનો બનાવ બન્યો હતો. જમાદાર ફર્નિચર દુકાનમાં આગ ભભૂકતા દુકાનનો સામાન બળીને ખાખ થઈ ગયો હતો.ઘટનામાં કોઈ જાનહાની થઈ ન હતી ફાયર વિભાગને કોલ અપાતા આગ પર મેળવ્યો કાબૂ મેળવવામાં આવ્યો હતો.વડોદરાના પાદરાના કણઝટ માશા રોડ બજારમાં આગની ઘટના સામે આવી છે. પાર્કિંગમાં મૂકેલી કારમાં અચાનક આગ લાગી હતી. ઘટનાની જાણ થતા ફાયર બ્રિગેડની ટીમે આગ પર કાબુ મેળવ્યો હતો. જો કે આગમાં કાર બળીને ખાખ થઈ ગઈ હતી,. હાલ શોર્ટ સર્કિટથી આગ લાગી હોવાનું અનુમાન કરવામાં આવી રહ્યું છે. બનાસકાંઠાના થરાદમાં આવેલી ડિસ્કવરી નામની શોપમાં પણ આગ લાગતા અફરાતફરી મચી હતી. બિલ્ડીગના બીજા માળે અચાનક પ્રચંડ આગ લાગી હતી. ફાયરની ટીમે ઘટના સ્થળે પહોંચી કાબુ મેળવ્યો હતો