અમેરિકાના કેલિફોર્નિયા અને એરિજોનાના જંગલોમાં ભીષણ આગ લાગી છે. દક્ષિણી કેલિફોર્નિયાના કેમ્પ પેંડલટનમાં છેલ્લા 24 કલાકથી લાગેલી આગમાં અંદાજે 8 હજાર એકર જંગલ બળીને ખાખ થઇ ગયું છે. જ્યારે લોસ એજિલેંસના અલગ-અલગ વિસ્તારોમાં 1200 એકરમાં આગથી નુકસાન થયું છે.
કેંપ પેંડલટનમાં 24 કલાકમાં 8000 એકરમાં ફેલાઇ આગ
લોસ એંજિલસમાં 1200 એકરમાં આગથી થયું નુકસાન
પ્રાપ્ત મળતી વિગત અનુસાર અમેરિકાના કેલિફોર્નિયા અને એરિજોનાના જંગલમાં ભીષણ આગ લાગી છે. જેમાં વેંચુરા કાઉન્ટીમાં આગના કારણે અંદાજે 200 એકર જંગલ સળગી ગયું છે. જ્યાર લેક પિરુ વિસ્તારમાંથી 2100 લોકોને સુરક્ષિત જગ્યા પર ખસેડવામાં આવ્યાં છે.
અમેરિકાના આ જંગલોમાં લાગેલી આગ પર કાબૂ મેળવવા માટે 125થી વધારે ફાયર બ્રિગેડના જવાનો કામ કરી રહ્યાં છે. જ્યારે બીજી તરફ એરિજોનાના ટસ્કનમાં આગ ફેલાતી જોવા મળી રહી છે. અહીં અંદાજે 5 હજાર એકર જંગલ આગની ઝપેટમાં આવી ગયું છે. લોકોને સુરક્ષિત જગ્યાએ મોકલવામાં આવ્યાં છે.
ઉલ્લેખનીય છે કે ગત વર્ષના ઓક્ટોબરમાં કેલિફોર્નિયામાં લાગેલી આગના કારણે અંદાજે 1,00,000 લોકોને ઘર છોડવું પડ્યું હતું. જેમાં આગના કારણે 25,000થી વધારે ઘર બળીને ખાખ થઇ ગયા હતા.