અમદાવાદ વટવા GIDCમાં લાગેલી આગ હજુ પણ બુઝાઈ નથી. 50થી વધુ ફાયરફાયટર ઘટના સ્થળે પહોંચ્યા છે.
વટવા GIDCમાં લાગેલી આગ સંપૂર્ણ કાબૂમાં નહી
હજુ પણ ચાલી રહી છે કામગીરી
હજુ સુધી કોઈ જાનહાનિ નહી
અમદાવાદના વટવા GIDCમાં લાગેલી આગ પર સંપૂર્ણ કાબૂમાં આવી નથી. કલાકો વીત્યા છતા આગ પર સંપૂર્ણ કાબૂ મેળવી શકાયો નથી. આગ પર કાબુ મેળવવા ફાયર જવાનોનો અથાગ પ્રયાસ કરી રહ્યા છે. આગમાં સદનસીબે કોઈ જાનહાની થઇ નથી. જ્વલન પદાર્થ હોવાથી આગ પર કાબુ નથી મેળવાયો. જ્વલન પદાર્થમાં બ્લાસ્ટ થતા માટી નાખીને આગ બુજવવાનો પ્રયાસ કરવામાં આવી રહ્યો છે.
50થી વધુ ફાયર ફાઇટરોની મદદ લેવાઈ
10 થી વધુ ફાયરની ગાડીઓ ઘટનાસ્થળે છે પણ પ્રિન્ટિંગ ઇન્ક અને સોલ્વન્ટના લીધે બ્લાસ્ટ થયા છે. 50થી વધુ ફાયર ફાઇટરોની મદદ લેવાઈ છે. હજી આગ પર કાબુ મેળવવાનો પ્રયાસ કરવામાં આવી રહ્યો છે.
મૃદુલ પ્રિન્ટિંગ ફેક્ટરીમાં આગ લાગતા દોડધામ
અમદાવાદની વટવા GIDCના ફેઝ-4માં ભીષણ આગની ઘટના સામે આવી છે. મૃદુલ પ્રિન્ટિંગ ફેક્ટરીમાં આગ લાગતા દોડધામ મચી છે. આગની ઘટના સાથે અનેક ઘડાકા પણ થાય હતા. હવામાં ધૂમાડાના ગોટા પણ જોવા મળ્યા હતા. જો કે, આગની ઘટના પહેલા જ આસપાસના કર્મચારીઓ સુરક્ષિત જગ્યાએ દોડી ગયા હતા. આગની ઘટનાની જાણ થતા એક પછી એક 36 ગાડી ઘટનાસ્થળે પહોંચી હતી. ફાયર બ્રિગેડે કોલ પણ જાહેર કર્યો છે.
GIDCમાં અવાર-નવાર આગની ઘટના બનતી હોય છે. પરંતુ ફાયર બ્રિગેડની 36 જેટલી ગાડી બોલાવવી પડે તેવા કિસ્સા ક્યારેક જ સામે આવે છે. સાથે ફાયર બ્રિગેડે કોલ પણ જાહેર કર્યો છે. મૃદુલ પ્રિન્ટિંગ ફેક્ટરીમાં આગ એકાએક મોટું સ્વરૂપ લઈ લીધું હતું. જો કે, ઘટનામાં કોઈ જાનહાની સામે આવી નથી. સ્થાનિક લોકોએ પણ તુરંત ફાયર અને પોલીસને જાણ કરી દીધી હતી. જો કે, આગની ઘટના અંગે કોઈ કારણ સામે આવ્યું નથી.