અમદાવાદના સાણંદ GIDCમાં આવેલી યુનિચાર્મ કંપનીમાં આગ લાગી છે. 24 કલાક બાદ પણ આગ પર સંપૂર્ણ કાબૂમાં આવી નથી. આગને કાબુ લેવા માટે અત્યાર સુધીમાં 40 લાખથી વધુ લીટર પાણી વપરાયું છે. સાણંદ, ધોળકા, વિરમગામ નગરપાલિકામાંથી પાણીની ગાડીઓ મંગાવાઈ છે. હાલમાં પણ ફાયર વિભાગ દ્વારા આગને કાબૂમાં લેવાની કામગીરી ચાલુ છે.
સાણંદની GIDC કંપનીમાં હજુ પણ બેકાબુ છે આગ
24 કલાક બાદ પણ આગ પર સંપૂર્ણ કાબૂ નહી
આગને કાબુ લેવા માટે 40 લાખથી વધુ લીટર પાણી વપરાયું
અમદાવાદના સાણંદ GIDCની યુનિચાર્મ કંપનીમાં આગ ગઈકાલથી આગ લાગી છે. હાલમાં ફાયર વિભાગ દ્વારા આગને કાબૂમાં લેવાના પ્રયાસ કરવામાં આવી રહ્યા છે. ત્યારે હવે ફાયર ઓફિસર જયેશ ખડીયાએ નિવેદન આપ્યુ છે કે, આગને સંપૂર્ણ કાબૂમાં લેવા માટે હજુ પણ એક દિવસ લાગી શકે છે. શોર્ટ સર્કિટના કારણે કંપનીમાં આગ લાગી છે. કંપનીની ફાયર સિસ્ટમમાં ઈલેક્ટ્રીક સપ્લાય બંધ થઈ હતી. સપ્લાય બંધ થવાના કારણે આગ વધુ ફેલાઈ. કોટન અને ફેબ્રિક સહિત કેમિકલના કારણે આગ બેકાબુ થઈ છે..આગને કાબૂમાં લેવા JCB અને ફાયર રોબોટની મદદ લેવામાં આવી રહી છે.
અમદાવાદના સાણંદ GIDCની યુનિચાર્મ કંપનીમાં આગ લાગી છે. 24 કલાક વિત્યા બાદ હજુ સુધી આગ બેકાબુ છે. ત્યારે હવે સાણંદના ધારાસભ્ય કનુ પટેલે ઘટનાસ્થળની મુલાકાત લીધી. આ દરમિયાન તેમણે પ્રતિક્રિયા આપી છે કે, GIDCમાં ફાયર સુવિધા માટે સરકારને રજૂઆત કરાઈ છે. આ મામલે ઝડપી નિરાકરણ માટે પ્રક્રિયા હાથધરાશે. અગાઉ GIDCના એસોસિએશનના સભ્યોએ પ્રતિક્રિયા હતી કે, GIDCમાં ફાયર સ્ટેશન માટે અનેક વખત રજૂઆત કરાઈ. ફાયર સ્ટેશન ન હોવાના કારણે આગે વિકરાળ સ્વરૂપ ધારણ કર્યુ છે