દૂર્ઘટના / અમદાવાદની સાણંદ GIDCમાં વિકરાળ આગ: 30 ફાયરની ગાડીઓ અને 125 કર્મી આગ પર કાબૂ મેળવવા મેદાને

• અમદાવાદની સાણંદ GIDCમાં આગ લાગી
• GIDCની એક કંપનીમાં લાગી આગ
• GIDCમાં યુનિચર કંપનીમાં આગ

સાણંદ GIDCમાં લાગેલી આગે હવે વિકરાળ સ્વરૂપ ધારણ કરી લીધુ છે. સેનેટરી નેપકીન બનાવતી ફેક્ટરીમાં આગ લાગી છે. ફાયરની 31 ગાડીઓ આગ પર કાબૂ મેળવવા કામે લાગી છે. 
ફાયર બ્રિગેડ દ્વારા આગ પર કાબૂ મેળવવા પ્રયાસ કરી રહ્યો છે. ફાયર વિભાગનો 125 લોકોનો સ્ટાફ કામે લાગ્યો છે. શોર્ટ સર્કિટ દ્વારા આગ લાગી હોવાનું પ્રાથમિક તારણ સામે આવ્યુ છે. 

(સવારે 11 વાગ્યા સુધીની અપડેટ)

સાણંદ GIDCમાં સેનેટરી નેપકીન બનાવતી ફેક્ટરીમાં આગ  લાગી છે. ફાયર બ્રિગેડની 12 ગાડીઓ ઘટના સ્થળે છે પણ હજુ સુધી આગ પર કાબુ નથી મેળવી શકાયો. ફાયર બ્રિગેડ દ્વારા આગ પર કાબૂ મેળવવા પ્રયાસ કરી રહી છે. એક આખુ યુનિટ આગમાં બળીના ખાખ થઈ ગયુ છે. 

(સવારે 9 વાગ્યા સુધીની અપડેટ)

અમદાવાદની સાણંદ GIDCમાં ભીષણ આગ લાગી છે. આગ લાગતા જ ટ્રાફિક જામ સહિતના દ્રશ્યો સર્જાયા હતા. હજુ સુધી આગ કેમ લાગી તેનું કારણ જાણી શકાયુ નથી. ત્યારે યુદ્ધના ધોરણે બચાવ કામગીરી હાથ ધરવામાં આવી રહી છે. ફાયર બ્રિગેડની ગાડીઓ ઘટના સ્થળે પહોંચી ગઈ છે અને આગ પર કાબુ મેળવવાના પ્રયાસ શરૂ કરવામાં આવ્યો છે. 

આ આગ સાણંદ GIDCની યુનિચર કંપનીમાં લાગી છે. આગના ધૂમાડા જોતા આગના વિકરાળ સ્વરૂપનું આકલન લગાવી શકાય છે.