મુંબઇ: પાલઘરની સફલ માર્કેટમાં આગ લાગતા 3 દુકાનો બળીને ખાખ

મહારાષ્ટ્રના પાલઘરમાં આવેલા માર્કેટમાં ભીષણ આગ લાગતા અફરા તફરીનો માહોલ સર્જાયો. પાલઘરમાં આવેલા સફલ માર્કેટમાં આગ લાગતા ત્રણ દુકાનો બળીને ખાખ થઈ છે. આગની જાણ પોલીસ અને ફાયર વિભાગને કરવામાં આવતા તેઓ ઘટના સ્થળે પહોંચ્યા હતા. 

ફાયર વિભાગ દ્વારા આગ પર કાબૂ મેળવવા પ્રયાસ હાથ ધરવામાં આવ્યો. જો કે આગ લાગતા ત્રણેય દુકાનોમાં રહેલા માલસામન બળીને ખાખ થયો છે. પણ આગમાં કોઈ જાનહાનિના સમાચાર સામે આવ્યા નથી અને આગ લાગવાનું કારણ પણ હજુ જાણવા મળ્યુ નથી.

આ ઘટના મામલે મળતી માહિતી અનુસાર મહારાષ્ટ્રના પાલઘરમાં આવેલ સફલ માર્કેટમાં ગતરાતે અચાનક ભીષણ આગ ફાટી નીકળતા 3 દુકાનો આગની ઝપેટમાં આવી ગઇ હતી. જો કે આ ઘટના અંગેની જાણ નજીકના ફાયર સ્ટેશને કરવામાં આવતા ફાયરબ્રિગેડના જવાનો તાત્કાલિક અસરથી ઘટના સ્થળે આવી પહોંચ્યા હતા અને પાણીનો મારો ચલાવ્યો હતો.

સમયસર પાણીનો મારો ચલાવવામાં આવતા આગ પર કાબૂ મેળવવામાં ઝડપથી સફળતા મળી હતી. જો કે આગને પગલે સામાન બળીનો ખાખ થઇ ગયો હતો. 

આગને મુંબઇ સાથે જૂનો નાતો
આપને જણાવી દઇએ કે ગત ડિસેમ્બર માસના અંતિમ દિવસોમાં પણ ભીષણ આગનો બનાવ બન્યો હતો. કમલા મિલ્સ ખાતે આવેલ એક પબમાં આગ ફાટી નીકળતા કેટલાય લોકોના મોત થયાં હતા જેમાં એક ગુજરાતની છોકરીનો પણ સમાવેશ થતો હતો. આગની આ ઘટના ફાયર સેફ્ટીના સાધનોના અભાવને કારણે બની હોવાનું પણ પ્રકાશમાં આવ્યું હતું.