દુર્ઘટના / વડોદરાના પાદરાની ડુંગળીનો પાવડર બનાવતી કંપની અને આણંદની એક કેમિકલ કંપનીમાં આગની ઘટના

• પાદરા-જંબુસર હાઇવે પર આવેલી છે કંપનીમાં આગ
• જૈન ફાર્મ ફ્રેશ ફૂડ કંપનીમાં લાગી આગ
• કલમસર ખાતે કેમિકલ કંપનીમાં આગ 

વડોદરાના પાદરાની એક કંપનીમાં ભીષણ આગ લાગતા અફરા-તફરી મચી ગઈ. પાદરા-જંબુસર હાઇવે પર આવેલી ડુંગળીનો પાવડર બનાવતી કંપનીમાં અચાનક આગ લાગી હતી. આગના કારણે આકાશમાં ધૂમાડાના ગોટેગોટા છવાઈ ગયા હતા. બનાવની જાણ થતાં જ પાદરા ફાયર વિભાગની ટીમ ઘટના સ્થળે પહોંચી હતી. પાણીનો મારો ચલાવી આગ પર કાબૂ મેળવ્યો હતો. આગ લાગવાનું કારણ જાણી શકાયું નથી. પોલીસે આ અંગે વધુ તપાસ શરૂ કરી છે. આ ઘટનામાં જાનહાનીના કોઇ સમાચાર નહીં.

આણંદના કલમસર ખાતે કેમિકલ કંપનીમાં આગ 

કલમસરમાં જય કેમિકલ કંપનીના H પ્લાન્ટમાં આગ લાગવાની ઘટના બની હતી. આગ લાગતા અંદર રહેલા લોકોને બહાર કઢાયા હતા. 3 ફાયરની ટીમ ઘટનાસ્થળે પહોંચી હતી. આ ઘટનામાં કોઈ જાનહાની નહીં.