મહારાષ્ટ્રના ભિવંડીમાં ભીષણ આગ લાગી છે. ભિવંડીમાં આવેલ એક સ્થળે ભીષણ આગ લાગી છે. જેના કારણે બીજો અને ત્રીજો માળ આગની ઝપેટમાં આવી ગયો છે. તો આગ લાગ્યાની જાણ થતાં જ ફાયર બ્રિગેડની 3 ગાડીઓ સાથે ફાયર કર્મચારીઓ દોડી આવ્યા છે અને આગ પર કાબૂ મેળવવા માટે પ્રયાસો હાથ ધર્યા છે. જોકે આગ કયા કારણોસર લાગી તે હજુ અકબંધ છે.
ઉલ્લેખનીય છે કે મહારાષ્ટ્રમાં છેલ્લા કેટલાક સમયગાળાથી આગ લાગવાની ઘટનાઓ સતત પ્રકાશમાં આવતી રહે છે. તાજેતરમાં કમલા મિલ્સ કમ્પાઉન્ડમાં આવેલ એક નિર્માણાધિન ઇમારતમાં પણ આગ લાગવાની ઘટના બની હતી.
તો ગત મોડી રાતે મહારાષ્ટ્રના ભિવંડી ખાતે ખાતે પણ એક સ્થળ પર ભીષણ આગ ફાટી નીકળવાની ઘટના બનતા અફરાતફરીનો માહોલ જોવા મળ્યો હતો આગ લાગવાને પગલે આસપાસના વિસ્તારમાં દોડધામ મચી જવા પામી હતી.
Latest visuals from Thane: Fire broke out in a cloth factory in Bhiwandi earlier this morning. Three fire tenders present at the spot. More details awaited. #Maharashtrapic.twitter.com/oWcjCpiLVn
જો કે આ ઘટના અંગેની ગંભીરતાથી નોંધ લઇને નજીકના ફાયર વિભાગને જાણ કરવામાં આવતા ફાયર સ્ટેશન પરથી 3 ગાડીઓ તાત્કાલિક અસરથી ઘટના સ્થળે આવી પહોંચી હતી અને પાણીનો મારો ચલાવ્યો હતો.
આપને જણાવી દઇએ કે ગત ડિસેમ્બર માસના અંતિમ દિવસોમાં પણ ભીષણ આગનો બનાવ બન્યો હતો. કમલા મિલ્સ ખાતે આવેલ એક પબમાં આગ ફાટી નીકળતા કેટલાય લોકોના મોત થયાં હતા જેમાં એક ગુજરાતની છોકરીનો પણ સમાવેશ થતો હતો. આગની આ ઘટના ફાયર સેફ્ટીના સાધનોના અભાવને કારણે બની હોવાનું પણ પ્રકાશમાં આવ્યું હતું.