યૂપીના ફરીદાબાદમાં ડબુઆ કોલોની પાસે ગુજરાતના સુરત અગ્નિકાંડ જેવા દ્રશ્યો જોવા મળ્યા. એક ખાનગી સ્કૂલની નીચે આવેલા એક કપડાના ગોડાઉનમા આગ લાગતા આગે વિકરાળ રૂપ લીધુ અને જોતજોતામાં સમગ્ર ઈમારતને પોતાની બાનમાં લઈ લીધી.
ઉલ્લેખનીય છે કે, સ્કૂલ આગની લપેટમાં આવતા સ્કૂલમાં રહેલા શિક્ષકો અને તેમનું પરિવાર આગની લપેટમાં આવી ગયુ. જેઓને પાડોશીએ હિંમત રાખીને બીજી છત પરથી બહાર કાઢ્યા છે. પણ આ આગમાં બે બાળકો અને એ મહિલા ગંભીર રીતે ઈજાગ્રસ્ત થતા તેઓને સારવાર માટે હોસ્પિટલ ખસેડવામાં આવ્યા હતા.
જો કે, સારવાર દરમિયાન બંને બાળકો અને એક મહિલાનું મોત થયું. તો ઘટનાની જાણ ફાયર વિભાગને કરવામાં આવતા ફાયર વિભાગનો કાફલો ઘટના સ્થળે પહોંચ્યો અને આગ પર કાબૂ મેળવ્યો છે. આગ લાગતા આસપાસના લોકો પણ દોડી આવ્યા અને લોકોને બચાવવા માટે કામગીરી હાથ ધરી હતી.
આપને જણાવી દઇએ કે, તાજેતરમાં જ સુરત શહેરના તક્ષશીલા બિલ્ડીંગમાં આગ લાગવાની ઘટના બની હતી જેમાં કેટલાક વિદ્યાર્થીઓના મોત થયાં હતા ત્યારે ગુજરાત જેવી જ ઘટના ઉત્તરપ્રદેશના ફરીદાબાદ શહેરમાં બનતા ચકચાર મચી જવા પામી હતી.
આગની ઘટના અંગેના સમાચાર વાયુવેગે આસપાસના વાતાવરણમાં ફેલાઇ જતા સ્થાનિકો દ્વારા પણ બચાવ કાર્ય હાથ ધરવામાં આવ્યું હતું, આ સાથે જ સ્થાનિક ફાયર વિભાગને પણ જાણ કરવામાં આવતા યુદ્ધના ધોરણે ફાયર બ્રિગેડના જવાનો ઘટના સ્થળે આવી પહોંચ્યા હતા અને આગ ઓલવવાનો પ્રયાસ કર્યો હતો.