મુંબઇ / ટાઇલ્સના ગોડાઉનમાં લાગેલી આગ અચાનક બની વિકરાળ, કોઇ જાનહાનિના અહેવાલ નહીં

• ટાઈલ્સના ગોડાઉનમાં લાગેલી આગ અચાનક બની વિકરાળ
• મોડીરાત્રે 3 વાગે ગોડાઉનમાં લાગી આગ
• ફાયરબ્રિગેડની 7 ગાડીઓ ઘટનાસ્થળે

પ્રાપ્ત મળતી માહિતી અનુસાર મુંબઇના ગોરેગાંવ વિસ્તારમાં આવેલા એક ગોડાઉનમાં આગ લાગી હતી, જો કે આગ એટલી બધી ભયંકર લાગી હતી કે થોડા સમયમાં તેણે વિકરાળ સ્વરૂપ ધારણ કરી લીધું હતું. આગના કારણે આકાશમાં કાળા-કાળા ધુમાડાના ગોટા ઉડતા જોવા મળી રહ્યાં છે. 

 

ગોડાઉનમાં લાગેલી આગના સમાચાર મળતાં ફાયર બ્રિગેડની 7 ગાડીઓ ઘટના સ્થળે પહોંચી ગઇ છે. હાલમાં ફાયર બ્રિગેડની ટીમ દ્વારા આગ પર કાબૂ મેળવવાનો પ્રયત્ન કરવામાં આવી રહ્યો છે. જો કે આગ જે ગોડાઉનમાં લાગી છે તેની આસપાસ નજીકમાં ઘણી ઝુપડીયો તેમજ કોલોનીઓ આવેલી છે. 
 

Maharashtra: Fire breaks out in a godown in Jogeshwari area of Mumbai. At least 7 fire tenders are present at the spot. Fire extinguishing operations are underway. More details awaited. https://t.co/jW5pMpBurR pic.twitter.com/xFlWbAunuE

— ANI (@ANI) March 4, 2020

જો કે એક મળતાં અહેવાલ મુજબ આગના કારણે હજુ સુધી કોઇ જાનહાનિના અહેવાલ પ્રાપ્ત થયા નથી. એક મળતા પ્રાથમિક અહેવાલ મુજબ આ ગોડાઉનની અંદર કેમિકલ ટેન્કમાં બ્લાસ્ટ થયો હતો જેના કારણે આગે વિકરાળ સ્વરૂપ ધારણ કરી લીધું.