આગ / બારડોલીના ઝૂંપડપટ્ટી વિસ્તારમાં લાગી વિકરાળ આગ, 3 ઝૂંપડા બળીને થયા ખાખ

• સુરતના બારડોલીમાં ઝૂંપડપટ્ટીમાં વિકરાળ આગ
• 3 જેટલા ઝૂંપડાઓ આગમાં બળીને રાખ થયા 
• નજીકમાં રહેતા હોસ્ટેલ સંચાલકે આગ લગાવ્યાનો આક્ષેપ

સુરતના બારડોલીમાં ગાંધીરોડ પર આવેલી દેસાઈવિલા નજીક ખુલ્લા પ્લોટમાં ઝૂંપડપટ્ટીમાં શનિવારે મોડી સાંજે અચાનક ભીષણ આગ લાગી હતી. જેને લઈને ભારે અફરાતફરી મચી જવા પામી હતી. આ ઘટનાની જાણ બારડોલી ફાયર વિભાગની ટીમે થતાં તાબડતોબ પહોંચીને ભારે જહેમત બાદ કાબૂમાં લીધી હતી. 

3 જેટલા ઝૂંપડાઓ બળીને રાખ

ઉલ્લેખનયી  છે કે,  બારડોલી દેસાઈ વિલા નજીક આવેલ ગર્લ્સ  હોસ્ટેલ નજીક ખુલ્લા પ્લોટમાં શનિવાર મોડી સાંજે અચાનક આગ લાગી હોવાની જાણ બારડોલી ફાયર વિભાગને થતા ઘટના સ્થળે પહોંચી આગ પર કાબુ મેળવ્યો હતો. આગ એટલી પ્રચંડ હતી કે 3 ઝુડપપટ્ટીની ઘરવખરી બળીને ખાખ થઈ હતી. જો કે,  સદ્દનસીબે આ બનાવમાં કોઈ જાન હાનિ થઈ નથી. સ્થાનિકોએ આગ લગાવવા માટે નજીકના હોસ્ટેલ સંચાલકો પર આક્ષેપ લગાવ્યો હતો.  આ ઘટના બાદ બારડોલી પોલીસે કાયદેસરની કાર્યવાહી હાથ ધરી છે.