દિલ્હીના મુંડકામાં શુક્રવાર સાંજે મોટો અગ્નિકાંડ થયો હતો. ત્યારે હવે શનિવારે દિલ્હીના નરેલામાં વિકરાળ આગ લાગવાની ઘટના સામે આવી છે.
દિલ્હીના નરેલામાં વિકરાળ આગ લાગી
ફાયર વિભાગની 22 ગાડીઓ ઘટનાસ્થળે પહોંચી
મુંડકામાં થયેલા અગ્નિકાંડમાં કુલ 27 લોકોના થયા હતા મોત
દિલ્હીના મુંડકાની આગ હજુ ઓલવાઇ નથી કે આ પહેલા રાજધાનીના નરેલામાં આગ લાગવાની વધુ એક ઘટના બની છે. નરેલામાં પ્લાસ્ટીકની ફેક્ટ્રીમાં આગ લાગી ગઈ છે. મળતી માહિતી અનુસાર, ફાયર વિભાગની 22 ગાડીઓ આગ પર કાબૂ મેળવવાના પ્રયાસ કરી રહી છે. આગ લગાવાનું કારણ હજુ સુધી જાણી શકાયું નથી. આગ ખુબ વિકારળ હોવાનું જણાઇ રહ્યું છે. જેને લઇને ઘટના સ્થળે અફરાતફરી મચી ગઈ છે.
Delhi | Fire breaks out at a plastic granulation factory in the Narela area. 15 fire tenders on the spot. Fire fighting operation underway pic.twitter.com/Qe535sZV94
ઘટનાની જાણ મળતા સ્થાનિક પોલીસ ઘટના સ્થળે પહોંચી ગઇ. જણાવાય રહ્યું છે કે, ફેક્ટ્રીમાં મજૂરો ફસાયા હોઇ શકે છે. જોકે, ઘટના સ્થળે એમ્બ્યુલન્સ પણ પહોંચી ગઈ છે.
મુંડકા મેટ્રો સ્ટેશન પાસેના ગોડાઉનમાં સાંજે લાગી હતી આગ
દિલ્હીના મુંડકા બિલ્ડિંગના પહેલા માળેથી લાગેલી આગ પ્રસરીને વિકરાળ બની હતી. જે આગમાં કુલ 27 લોકોના મૃત્યુ થયા હતા. અહીં CCTVનું ગોડાઉન હતું. કંપનીના માલિક હરીશ ગોયલ અને વરૂણ ગોયલની ધરપકડ કરવામાં આવી હતી. કંપની પાસે ફાયર NOC પણ નથી.