અમદાવાદના નારોલ રોડ પર આગનો બનાવ બન્યો છે. કોઝી હોટલ પાસે કાપડની ફેકટરીમાં આગ લાગી છે. આગ લાગતા લોકોમાં ભાગદોડ થઇ ગઇ હતી. તેમજ ફાયરબ્રિગેડની 37 ગાડીઓ ઘટનાસ્થળે પહોચી હતી. આને ફાયરવિભાગે મેજર કોલ જાહેર કર્યો છે.
અમદાવાદની નારોલની કાપડની ફેક્ટરીમાં આગ
15 ફાયર બ્રિગેડની ગાડી પહોંચી ઘટના સ્થળે
અમદાવાદના તમામ ફાયર સ્ટેશને અપાયો મેજર કોલ
અમદાવાદ સહિત તમામ ફાયર સ્ટેશનમાં એલર્ટની સૂચના આપવામાં આવી છે. આથી ફાયરના ઉચ્ચ અધિકારીઓ ઘટનાસ્થળે જવા રવાના થયા હતાં.
જેમાં મણિનગર, પાંચકુંવા, શાહપુર સહિતના ફાયર સ્ટેશનોની મદદ લેવામાં આવી છે. તેમજ પોલીસના ઉચ્ચ અધિકારીઓ પણ ઘટના સ્થળે પહોચ્યા હતાં.
નોંધનીય છે કે, નારોલની કોઝી હોટલ પાસે કાપડની ફેકટરીમાં આગ લાગવાની ઘટના બનતા 75 લાખ મીટર કાપડ બળીને ખાખ થઈ ગયાનો અંદાજ લગાડવામાં આવ્યો છે. આગની ઘટનાને પગલે આસપાસના લોકોમાં દોડધામ મચી જવા પામી હતી.
જો કે, મોટી હોનારત સર્જાય તે પહેલા જ ફાયર બ્રિગેડની 37 ગાડીઓ ઘટના સ્થળે પહોંચી હતી અને આગ પર કાબૂ મેળવવાનો પ્રયાસ કરવામાં આવી રહ્યો છે. આ સાથે જ ફાયર વિભાગે આ ઘટનાને પગલે મેજર કોલ જાહેર કર્યો છે.