અમદાવાદના પાલડી વિસ્તારમાં આવેલી એપલ હોસ્પિટલમાં આગ લાગી હતી. જેમાં હોસ્પિટલમાં આવેલી કેન્ટીનમાં ભીષણ આગ લાગી હતી. જેને લઈને એસ્ટેટ વિભાગ હોસ્પિટલમાં કેન્ટીનની પરમિશન હતી કે નહિં તે અંગે તપાસ કરશે.
ઉલ્લેખનીય છે કે, આ આગને કારણે ફાયર બ્રિગેડ તંત્ર પણ સક્રિય થઈ ગયુ છે અને તે પણ ફાયર સેફ્ટીના મુદ્દાઓને લઈને તપાસ કરશે. તેમજ જો ફાયર સેફ્ટીના નિયમો પાળવામાં કંઈપણ ક્ષતિ જણાશે તો ફાયર બ્રિગેડ દ્વારા યોગ્ય કાર્યવાહી કરવામાં આવશે.
#Ahmedabad એપલ હોસ્પિટલમાં આગ લાગવાનો મામલો
FSLની ટીમે નમૂના લીધા @AmdavadAMC ની આરોગ્ય વિભાગની ટીમે કાર્યવાહી હાથ ધરી, દેવ બિલ્ડીંગની ટેરેસ રેસ્ટોરન્ટ પરવાનગી ન હોવાથી સીલ કરાઇ pic.twitter.com/tItfPNXVfe
— VTV Gujarati News and Beyond (@VtvGujarati) May 13, 2019
મળતી માહિતી મુજબ AMCએ 16 દિવસમાં ફાયર સેફ્ટી મુદ્દે 22 કોમર્શિયલ બિલ્ડીંગને નોટિસ આપી છે. પરંતુ AMCની ચકાસણીમાં એપલ હોસ્પિટલ બાકાત રહી ગઈ હતી. જેથી આ ઘટનાને પગલે હવે અન્ય હોસ્પિટલમાં પણ તપાસ કરવામાં આવશે.
AMCની ચકાસણી
જો કે AMCએ અમદાવાદમાં 6 થી 7 ટિમો બનાવી અલગ અલગ જગ્યા ઉપર ફાયર સેફટી મુદ્દે ચેકિંગ હાથ ધર્યુ છે. ત્યારે ફાયર સેફટીના નિયમો ન પાળતી હોસ્પિટલ અને બિલ્ડીંગ સામે પગલાં લેવાની શક્યતાઓ સેવાઈ રહી છે. મહત્વનું છે કે,અમદાવાદમાં આવેલી દેવ બિલ્ડિંગમાં એપલ બાળકોની હોસ્પિટલમાં આવેલી છે.
જેમાં હોસ્પિટલના ઉપરના માળે કેન્ટીન આવેલી છે અને ત્યાં ભીષણ આગ લાગી હતી. .આ આગમાં કેન્ટીનમાં રાખેલા 2 ગેસના સિલિન્ડર પણ બ્લાસ્ટ થયા હતા. જો કે ફાયર બ્રિગેડ દ્વારા આગ પર કાબૂ મેળવવમાં આવ્યો હતો અને તમામ લોકોને સુરક્ષિત જગ્યાએ ખસેડવામાં આવ્યા હતા. તો હોસ્પિટલના કર્મચારીઓના જણાવ્યા મુજબ કોઈપણ જાનહાનિ થવા પામી ન હતી.
FSLની ટીમે નમૂના લીધા
અમદાવાદ એપલ હોસ્પિટલમાં આગ લાગવાના મામલે FSLની ટીમે નમૂના લીધા છે. AMCની આરોગ્ય વિભાગની ટીમે કાર્યવાહી હાથ ધરી છે. દેવ બિલ્ડીંગની ટેરેસ રેસ્ટોરન્ટ પરવાનગી ન હોવાથી સીલ કરવામાં આવી છે.