રાજ્યમાં આગ લાગવાની ઘટનાઓમાં વધારો થઇ રહ્યો છે, જ્યારે વધું એક આગની દુર્ઘટના સુરતમાં ઘટી છે. શહેરની પાંડેસરા GIDC પાસે આવેલી મયુર સિક્લ મિલમાં આગ લાગતાં કરોડોની વિદેશી મશીનરી બળીને ખાખ થઇ ગઇ છે. જ્યારે 18થી વધુ ફાયરની ગાડીઓ હાલ ઘટના સ્થળે પહોંચી હતી. જેમણે ભારે જહેમતપૂર્વક લગભગ ત્રણેક કલાકથી વધુના સમયમાં આગ પર કાબૂ મેળવી કૂલીંગની કામગી શરૂ કરી છે.
શહેરની પાંડેસરા GIDC પાસે આવેલી મયુર સિક્લ મિલમાં વહેલી સવારે 5.15 વાગે આગ લાગવાની ઘટના બની હતી. ઘટનાની જાણ થતા 18 ફાયર ફાઇટર ઘટના સ્થળે આવી પહોંચી હતી. જેમણે ભારે જહેમતપૂર્વક લગભગ ત્રણેક કલાકથી વધુના સમયમાં આગ પર કાબૂ મેળવી કૂલીંગની કામગી શરૂ કરી છે.
આગ લાગતાં ગ્રે કાપડનો જથ્થો આગમાં બળીને ખાખ થઇ ગયો. તો આગમાં કરોડોની વિદેશી મશીનરી પણ બળીને ખાખ થઇ ગઇ છે. રાજલક્ષ્મીના નામે ઓળખાતી મયુર સિલ્કમાં લાગેલી આગ પર કાબૂ મેળવવા મજુરા, ભાગળ, કતારગામ, દુભાલ, ડીંડોલી, ભેસ્તાન સહિત ના ફાયર સ્ટેશનની 18 ગાડીઓની મદદ લેવામાં આવી હતી. ફાયરના જવાનોએ આગ પર પાણીનો મારો ચલાવીને આગ પર કાબૂ મેળવ્યો હતો.બાદમાં કૂલિંગની કામગીરી હાથ ધરી હતી.
આ આગ એટલી પ્રચંડ હતી કે દુર્ઘટનાનો આંકડો મોટો થઈ શકે તેમ હતો જો કે વહેલી પરોઠે લાગેલી આગના કારણે કોઈ ઈજા જાનહાનિની માહિતી સામે આવી નથી. કામદારો એ વખતે મિલમાં ન હોવાથી બચાવ થયો હોવાનું કહેવાઈ રહ્યું છે.