આગ / આંધ્ર પ્રદેશના ચિત્તૂરમાં ફટાકડાની દૂકાનમાં એકાએક ભભૂકી આગ, જીવ બચાવવા લોકો મુઠ્ઠીવાળીને ભાગ્યા

• દિવાળીના તહેવાર પર ફટાકડાની દુકાનમાં લાગી આગ
• આજુબાજુની દુકાનોને પણ પોતાની ઝપેટમાં લઇ લીધી
• ભયંકર આગને કારણે સ્થાનિકો ઘટનાસ્થળેથી નાસી ગયા

ફટાકડા વેચનારી એક દુકાનમાં આગ લાગી 

આંધ્ર પ્રદેશના ચિત્તુર જિલ્લામાં દિવાળીના તહેવાર પર ફટાકડા વેચનારી એક દુકાનમાં આગ લાગી ગઇ. આ ઘટના ચિત્તુર જિલ્લાના વડામલપેટાની છે. ત્યારબાદ આગ ઝડપથી ફેલાવવા લાગી અને આજુબાજુની દુકાનોને પણ પોતાની ઝપેટમાં લઇ લીધી. આગ ભયંકર હોવાથી સ્થાનિક રહેવાસી ઘટનાસ્થળેથી ભાગી ગયા. 

દિવાળી સમયે ફટાકડા ફોડવાની પરંપરા 

આખા દેશમાં દિવાળીનો તહેવાર સોમવારે મનાવવાની ભરપૂર તૈયારીઓ ચાલી રહી છે. ધન અને સંપન્નતાનુ આ પર્વ મનાવતી સમયે ફટાકડા ફોડવાની પરંપરા છે. જેના કારણે દર વર્ષે આગ લાગવાની ઘણી ઘટનાઓ સામે આવે છે. જેના કારણે જાન અને માાલને ઘણુ નુકસાન થાય છે. સરકાર દર વર્ષે લોકોને સાવધાની રાખવાની સલાહ આપે છે. આગની ઘટનાઓ સામે લડવા માટે ફાયર વિભાગ સ્પેશિયલ વ્યવસ્થા કરે છે. તેમ છતા અમુક દુર્ઘટનાઓને રોકી શકાય નહીં.