કેસ / મોબ લિન્ચિંગને લઈને PM મોદીને પત્ર લખનારા 49 સેલેબ્સની વિરુદ્ધમાં નોંધાયો કેસ

• ન્યાયિક મેજિસ્ટ્રેટના આદેશના આધારે 49 સેલેબ્સ પર નોંધાયો કેસ
• મોબ લિન્ચિંગને લઈને પીએમ મોદીને પત્ર લખનારા પર નોંધાયો કેસ
• કોર્ટે 2 મહિના પહેલા દાખલ કરેલી અરજી પર FIR નોંધવાનો આપ્યો આદેશ
• અનેક જાણીતી હસ્તીઓના નામ પણ કેસમાં સામેલ છે

સદર પોલીસ સ્ટેશનમાં નોંધાયો કેસ

કોર્ટે સ્થાનિક વકીલ સુધીર કુમાર ઓઝાની તરફથી બે મહિના પહેલાં એક અરજી પર સુનાવણી કરતા કહ્યું કે 20 ઓગસ્ટે FIR નોંધાવવાનો આદેશ આપ્યો હતો. જેની પર અમલ કરીને ગુરુવારે સદર પોલીસ સ્ટેશનમાં કેસ નોંધવામાં આવ્યો હતો. પોલીસના જણાવ્યા અનુસાર IPCની અલગ અલગ સૅક્શન હેઠળ ગુનો નોંધવામાં આવ્યો છે જેમાં ધાર્મિક ભાવનાઓને ઠેસ પહોંચાડવા, રાજદ્રોહ, શાંતિભંગ જેવી કલમો લગાવવામાં આવી છે.

જાણો પત્ર લખનારામાં કોણ કોણ છે સામેલ

ઓઝાને પત્ર લખનારા લોકો પર જાણીજોઈને દેશની ખરાબ છબિ ઊભી કરવા અને પીએમની ઉપલબ્ધિઓને ઓછી દેખાડવાનો પ્રયાસ કરવાના આરોપમાં અરજી દાખલ કરવામાં આવી હતી. પત્ર લખનારાઓમાં ઈતિહાસકાર રામચંદ્ર ગુહા, ફિલ્મ નિર્દેશક મણિરત્નમ, ફિલ્મ નિર્દેશક અનુરાગ કશ્યપ, ફિલ્મ નિર્દેશક શ્યામ બેનેગલ, અભિનેતા સૌમિત્ર ચેટર્જી અને અભિનેત્રી અર્પણા સેન અને ગાયિકા સુધા મુદ્ગલ પણ સામેલ છે.