ચર્ચાસ્પદ કેસ / Zomato ડિલીવરી બોય અને મહિલા ગ્રાહકના મારપીટ કેસમાં નવો વળાંક, મહિલા સામે નોંધાયી FIR

• ઝોમેટો ડિલીવરી બોય અને મહિલા ગ્રાહક કેસમાં નવો વળાંક
• સોશિયલ મીડિયા પર કામરાજનો વીડિયો પોસ્ટ કરનારી મહિલા સામે ફરિયાદ
• હિતેશા ચંદ્રાનીને સોશિયલ મીડિયા પોસ્ટ પડી ભારે

હવે ડિલીવરી કર્મી કામરાજની ફરિયાદ પર મહિલા હિતેશા ચંદ્રાનીની વિરુદ્ધ આઈપીસીની ધારા 355(હુમલો), 504(અપમાન) અને 506 (ગુનાહિત ધમકી) હેઠળ બેંગલુરુના ઈલેક્ટ્રોનિક સિટી પોલીસ સ્ટેશનમાં એફઆઈઆર દાખલ કરવામાં આવી છે. આ પહેલા મહિલાએ ડિલીવરી કર્મી સામે ફરિયાદ કરી હતી.

શું છે ઝોમેટો વાળો કેસ?

થોડા દિવસ પહેલા કર્ણાટકના બેંગ્લોરની મોડલ અને મેકઅપ કલાકાર હિતેશા ચંદ્રાનીએ વીડિઓ શેર કરી જણાવ્યું હતું કે, ઑર્ડર કેન્સલ કરવા પર ઝોમેટોના ડિલીવરી બૉય કામરાજે  તેમને મોં પર મુક્કો મારીને ઇજાગ્રસ્ત કરી દીધી છે. તેમના આ વીડિયો ઘણો વાયરલ થયો હતો જ્યારબાદ લોકો કહી રહ્યા હતા કે મહિલાની સાથે ખોટું થયું છે. ટ્વીટર પર ઝોમેટોએ પ્રતિક્રિયા આપતા કહ્યુ હતુ કે અમારા સ્થાનિય પ્રતિનિધિ જલ્દી તમારો સંપર્ક કરશે અને પોલીસ તપાસમાં તથા જરુરી સારવારમાં તમારી મદદ કરશે. ત્યારબાદ આ ઝોમેટો ડિલીવરી બૉયને કંપનીએ નોકરીથી છૂટો કરી દીધો હતો.

કામરાજે આપી સફાઈ

ડિલીવરી બૉયની સાથે થયેલી આ કાર્યવાહી બાદ તેમનો પક્ષ લેવામાં આવ્યો જ્યાં ડિલીવરી બૉયે મહિલાની વાતોને ખોટી ગણાવી. તેણે કહ્યું જ્યારે ડિલવરી લઈને મહિલાનાં સરનામા પર પહોંચ્યો ત્યારે થોડી વાર થઈ ગઈ હતી. કામરાજે કહ્યું કે, 'મે એ મહિલાને માફી માંગતા કહ્યું કે રસ્તો ખરાબ હતો અને ટ્રાફિકનાં કારણે મને વાર થઈ હતી. તેણે વધુ જણાવતા કહ્યું કે બે વર્ષનાં કામ દરમિયાન ક્યારે પણ આવી પરિસ્થિતિનો સામનો નથી કરવો પડ્યો. 

હિતેશાએ ઓર્ડર રિટર્ન ન કરતા કામરાજ ઓર્ડર લીધા વગર જ જવા લાગ્યો

કામરાજે જણાવ્યું કે ત્યાર બાદ હિતેશાએ ડિલવરી લઈ લીધી પણ પૈસા આપવાની ના પડી હતી. ત્યારે હિતેશા ઝોમેટો કસ્ટમર સપોર્ટ સાથે વાત કરતી હતી. ત્યાર બાદ હિતેશાએ મને સ્લેવ કહીને બૂમો પાડવા લાગી હતી. ઝોમેટો કસ્ટમરે મને જણાવ્યું કે તેમણે હિતેશાનો ઓર્ડર કેન્સલ કરી દીધો છે. ત્યાર બાદ મેં ઓર્ડર પાછો માંગ્યો હતો. ત્યારે હિતેશાએ ઓર્ડર રિટર્ન ન કરતા કામરાજ ઓર્ડર લીધા વગર જ જવા લાગ્યો. 

હિતેશા અપશબ્દ બોલી રહી હતી. અચાનક તેણે ચપ્પલ વડે હુમલો કર્યો

કામરાજે જણાવ્યું કે તે બાદ પણ હિતેશા અપશબ્દ બોલી રહી હતી. અચાનક તેણે ચપ્પલ વડે હુમલો કર્યો અને મને મારવાનું શરુ કર્યું હતું. મેં તેનો હુમલો રોકવા માટે મારો હાથ વચ્ચે લાવ્યો હતો. તે દરમિયાન ભૂલથી હિતેશાએ તેના નાક પર માર્યું હતું. તેણે તેની આંગળીમાં રિંગ પહેરી હતી, જે તેના નાક ઉપર વાગતા લોહી નીકળ્યું હતું. કામરેજે કહ્યું કે જો તેનો વિડીયો તમે જોશો તો તમને સ્પષ્ટ થઇ જશે કે તેને પંચના ઘાથી નથી વાગ્યું અને હું તો રિંગ પણ નથી પહેરતો. મહિલા અને ડિલીવરી બૉય બન્નેના પક્ષ સામે આવ્યા બાદ સોશિયલ મીડિયા બે ભાગમાં વહેંચાઇ ગયું છે. ત્યારે સોશિયલ મીડિયા યૂઝર્સ ડિલીવરી બૉયને યોગ્ય ગણાવી રહ્યા છે અને તેને ન્યાય અપાવવાની માંગ કરી રહ્યા છે.