સપનાની માયાનગરી મુંબઇમાં નાના શહેરોમાંથી યુવાન-યુવતીઓ સ્ટાર બનવા આવે છે પરંતુ બધા લોકો તેના સપના પૂરા કરી શકતા નથી.
ફિલ્મની લાલચ આપીને આચર્યુ દુષ્કર્મ
9 હાઇપ્રોફાઇલ વ્યક્તિ સામે ફરિયાદ
બોલીવૂડ ઇન્ડસ્ટ્રીમાં મચ્યો ખળભળાટ
બોલીવૂડ સ્ટાર બનવું તે ભારતમાં ઘણા લોકોનું સપનુ હોય છે અને મુંબઇમાં આવીને કોઇ ફિલ્મમાં કે સિરીયલમાં કામ મળવું અઘરુ છે. યુવતીઓ માટે ખાસ કરીને વધારે મુશ્કેલીઓ ઉભી થાય છે કારણકે કાસ્ટિંગ કાઉચનો ખુલાસો દિગ્ગજ સ્ટાર પણ કરી ચૂક્યા છે.
મુંબઇમાં 9 હાઇપ્રોફાઇલ લોકો વિરુદ્ધ રેપ અને મોલેસ્ટેશનનો કેસ નોંધાયો છે. મુંબઇમાં એક મોડલે બોલીવૂડના ફેમસ ફોટોગ્રાફર અને જેકી ભગનાની સહિત ઘણા લોકો વિરુદ્ધ કેસ નોંધાવ્યો છે. ફોટોગ્રાફર કોલસ્ટન જ્યૂલિયન વિરુદ્ધ બાન્દ્રા પોલીસે કેસ નોંધ્યો છે.
સૂત્રોના કહ્યાં અનુસાર, મોડલે ફોટોગ્રાફર સાથે 8 લોકો વિરુદ્ધ ફરિયાદ નોંધાવી છે. મૉડલનો આરોપ છે કે ફોટોગ્રાફર તેને મોડલિંગમાં ચાન્સ અપાવવાના નામ પર વર્ષ 2014 થી 2018 વચ્ચે તેની સાથે રેપ કરતો રહ્યો છે.
જેકી ભગનાની પર પણ આરોપ
મહત્વનું છે કે આ મૉડલે ફોટોગ્રાફરની સાથે સાથે એક્ટર જેકી ભગનાની પર પણ આરોપ લગાવ્યો છે. નિખિલ કામત, શીલ ગુપ્તા, અજીત ઠાકુર, ગુરુજ્યોત સિંહ, કૃષ્ણ કુમાર, વિષ્ણુ વર્ધાન ઇંદુરી વિરુદ્ધ ફરિયાદ નોંધાવી છે.
કામ અપાવવાની લાલાચ આપી
મૉડલે આરોપ લગાવ્યો કે જેકી ભગનાનીએ તેની સાથે બાન્દ્રામાં, નિખિલ કામતે સાંતાક્રુઝના એક ફાઇવ સ્ટાર હોટલમાં, શીલ ગુપ્તાએ 2015માં અંધેરીમાં છેડછાડ કરી હતી. અજીત ઠાકુરે તેની સાથે વિલેપાર્લેની એક બિલ્ડીંગમાં રેપ કર્યો હતો. આ દરેક વિરુદ્ધ ફરિયાદ નોંધવામાં આવી છે.