નવું લાયા! / ઈન્ટરનેટ કે ફોનનું લોક ખોલ્યા વગર જ થઈ જશે પેમેન્ટ, Paytm લઈ આવ્યું ગજબ ફીચર

• પેટીએમે એક નવી સર્વિસ 'ટૈપ ટૂ પે'ની શરૂઆત કરી
• આ ફીચર દ્વારા POS મશીન પર ફોન ટૈપ કરી પેમેન્ટ કરી શકાશે
• હવે પેમેન્ટ કરવા માટે ઈન્ટરનેટની જરૂર પડશે નહીં

સ્ક્રીન અનલોક કર્યા વગર થઇ જશે  પેમેન્ટ

કંપનીએ જણાવ્યું કે યુઝર પેટીએમની સાથે રજીસ્ટર્ડ કોઈ પણ  કાર્ડનો ઉપયોગ કરી આ પ્રકારની ચૂકવણી કરી શકે છે. ફોનનું સ્ક્રીન લોક અથવા મોબાઈલ ડેટા બંધ હોય ત્યારે પણ ટૈપ ટૂ પે દ્વારા પેમેન્ટ કરવુ શક્ય બનશે. આ સર્વિસ એન્ડ્રોઈડ અને આઈઓએસ બંને યુઝર્સ માટે શરૂ કરવામાં આવી છે. એનએફસી સપોર્ટેડ કોઈ પણ પીઓએસ મશીન પર આ પ્રકારનું પેમેન્ટ કરી શકાશે. 

કાર્ડની બધી માહિતી સુરક્ષિત રહેશે

કાર્ડની માહિતીઓની સિક્યોરિટીના નવા નિયમ પર પણ પેટીએમે અમલ કર્યો છે. તમે જે કાર્ડનો ઉપયોગ કરવા માંગો છો. કંપની કાર્ડના 16 પોઈન્ટના નંબરને એક સિક્યોર્ડ ટ્રાન્જેક્શનના કોડથી બદલી નાખશે. આ કોડને ડિજીટલ આઈડેન્ટીફાયર નામ આપવામાં આવ્યું છે. આ સુવિધાથી કાર્ડની દરેક માહિતી યુઝરની પાસે સુરક્ષિત રહે છે. કોઈ પણ પેમેન્ટ કરવા માટે કાર્ડ સ્વાઈપ કરવુ અથવા કોઈ જાણકારી શેર કરવાની જરૂર પડશે નહીં. 

આ રીતે યૂઝ કરો સર્વિસ 

આ સર્વિસનો લાભ ઉઠાવવા માટે તમારે સેટિંગમાં થોડા ફેરફાર કરવાની જરૂર પડશે. તમે જે કાર્ડથી પેમેન્ટ કરવા માગો છો. જો તે પેટીએમ પર સેવ થયો નથી તો તેને પહેલા એડ કરી લો. ત્યારબાદ થોડી વિગતો ભરીને ટૈપ ટૂ પે સર્વિસની શરતો સ્વીકારવી પડશે. ત્યારબાદ તમારા રજીસ્ટર્ડ મોબાઈલ નંબર પર એક ઓટીપી આવશે. ઓટીપી સબમિટ કરતા જ ટૈપ ટૂ પે સર્વિસ માટે તે કાર્ડ સક્રિય થઇ જશે.