વાયરલ / ફિનલેન્ડની PMનો પાર્ટીમાં ડાન્સ કરતો વિડીયો થયો હતો વાયરલ, હવે આવ્યું ડ્રગ ટેસ્ટનું પરિણામ, દેશવાસીઓને ચોંકાવ્યા

• ફિનલેન્ડના વડાપ્રધાન સના મારિનનો વિવાદિત વિડીયો
• વિપક્ષી નેતાઓએ માંગ કરી હતી ડ્રગ્સ ટેસ્ટ માટે 
• પીએમએ સ્વખર્ચે ટેસ્ટ કરાવ્યો, જેનું રિઝલ્ટ નેગેટિવ આવ્યું

હાલમાં જ ફિનલેન્ડના વડાપ્રધાન સના મારિનનો પાર્ટી કરતો એક વીડિયો સોશિયલ મીડિયા પર વાયરલ થયો હતો, જેના કારણે બાદમાં વિવાદ સર્જાયો હતો. વિપક્ષી નેતાઓએ માંગ કરી હતી કે પીએમ સના મારિને પોતાનો ડ્રગ ટેસ્ટ કરાવવો જોઈએ. પહેલા તો સના મરિને આ વાતનો ઈનકાર કરી દીધો, પરંતુ બાદમાં તેણે પોતાના ખર્ચે ટેસ્ટ કરાવ્યો, જેનું રિઝલ્ટ નેગેટિવ આવ્યું છે.

મારે પાસે છુપાવવા જેવું કશું નથી
આરોપો બાદ સના મારિને પ્રેસ કોન્ફરન્સને સંબોધિત કરતા પોતાના ખુલાસામાં ડ્રગ ટેસ્ટ આપવાની વાત કરી હતી. "મારી પાસે છુપાવવા જેવું કશું જ નથી. મેં ડ્રગ્સનો ઉપયોગ કર્યો નથી અને મને ટેસ્ટ કરાવવામાં કોઈ સમસ્યા નથી."

યુરિન સેમ્પલ લેવામાં આવ્યા હતા
ફિનલેન્ડની સરકાર તરફથી સના મારિનના ડ્રગ ટેસ્ટને લઈને જાહેર કરવામાં આવેલા નિવેદનમાં કહેવામાં આવ્યું છે કે વડાપ્રધાનના પરીક્ષણમાં કોઈ પણ પ્રકારની ડ્રગ્સના પુરાવા નથી. વધુમાં સરકાર વતી કહેવામાં આવ્યું હતું કે, વડાપ્રધાને પોતાના પૈસા પર આ ટેસ્ટ કરાવ્યો છે. વિશેષ સલાહકાર ઈડા વલીને એએફપીને જણાવ્યું કે, ડ્રગ ટેસ્ટ માટે પીએમ મરીનના યુરિન સેમ્પલ લેવામાં આવ્યા હતા, જેમાં કોકેઈન, ગાંજો સહિત ઘણી ડ્રગ્સની તપાસ કરવામાં આવી હતી.

Finland’s Prime Minister @MarinSanna is in the headlines after a video of her partying was leaked today.

She has previously been criticized for attending too many music festivals & spending too much on partying instead of ruling.

The critics say it’s not fitting for a PM. pic.twitter.com/FbOhdTeEGw

— Visegrád 24 (@visegrad24) August 17, 2022

ચર્ચા કેમ થઇ રહી છે ?
ગયા અઠવાડિયે સના મારિનનો પાર્ટી કરતો એક વીડિયો વાઇરલ થયો હતો. જેમાં તે પોતાના મિત્રો સાથે ડાન્સ કરતી જોવા મળી રહી હતી. આ વીડિયો વાયરલ થયા બાદથી ફિનલેન્ડની વિપક્ષી પાર્ટીઓએ તેમના પર આક્ષેપો કરવાનું શરૂ કરી દીધું હતું.

લોકોએ બચાવ કરતા કહ્યું,
વિરોધ પક્ષોએ કહ્યું કે તેમનું વર્તન વડા પ્રધાન પદ માટે અનુકૂળ નથી. પરંતુ લોકો દ્વારા સોશિયલ મિડિયા પર એનો જોરદાર બચાવ કરવામાં આવ્યો હતો. સોશિયલ મીડિયા પર યૂઝર્સે કહ્યું કે તે વડાપ્રધાન હોવાની સાથે સાથે એક નાગરિક પણ છે અને તે પોતાની પર્સનલ સ્પેસમાં જે કરે છે તેમાં કોઈએ દખલ ન કરવી જોઈએ.