ફિનલેન્ડના પ્રધાનમંત્રી સના મરીનનો (PM Sana Marine Was Seen Dancing) વીડિયો વાયરલ થયો જેમાં તેઓ પાર્ટી કરતાં દેખાઈ રહ્યા છે.
ફિનલેન્ડના પ્રધાનમંત્રીનો વીડિયો વાયરલ
દારૂ પીને મિત્રો સાથે કર્યો ડાન્સ
અન્ય નેતાઓએ કહ્યું, PMએ ડ્રગ્સ લીધું છે
ભારતમાં દારૂને લઈને જુદા જુદા રાજ્યોમાં જુદા જુદા મતભેદો રહેતા હોય અને ગુજરાતમાં મોટા ભાગે દારૂને એક બદીના રૂપમાં જોવામાં આવે છે ત્યારે વિશ્વના એક દેશમાં પણ દારૂને લઈને રાજકારણ શરૂ થઈ ગયું છે, પણ વિવાદમાં બીજું કોઈ નહીં દેશના પ્રધાનમંત્રી જ ફસાયા છે.
ફિનલેન્ડના પ્રધાનમંત્રી સના મરીનનો એક વીડિયો સોશ્યલ મીડિયામાં ખૂબ વાયરલ થઈ રહ્યો છે જેમાં તેઓ દારૂ પીને પોતાના મિત્રો સાથે ડાન્સ કરી રહ્યા છે. દેશના અન્ય નેતાઓ આરોપ એવા પણ લગાવી રહ્યા છે કે દારૂ જ નહીં પ્રધાનમંત્રી મેડમે તો ડ્રગ્સ પણ લીધું છે અને ડ્રગ્સ ટેસ્ટ કરાવવાની માંગ તેજ થઈ ગઈ છે. જોકે પ્રધાનમંત્રી કહી રહ્યા છે કે તેમણે ખાલી દારૂ જ પીધું હતું.
Finland’s Prime Minister @MarinSanna is in the headlines after a video of her partying was leaked today.
She has previously been criticized for attending too many music festivals & spending too much on partying instead of ruling.
સના મરીને કહ્યું કે ડ્રગ્સ લેવાની વાત ખાલી અફવા છે, ડ્રગ્સ ટેસ્ટ કરાવવા માટે હું તૈયાર જ છું. હું મિત્રો સાથે હતી અને પાર્ટી કરી હતી, ડાન્સ પણ કર્યો પણ ડ્રગ્સ તો નથી જ લીધો.
નોંધનીય છે કે સોશ્યલ મીડિયામાં વીડિયો વાયરલ થયા બાદ લોકો જાતજાતની કૉમેન્ટ પ્રધાનમંત્રીને લઈને કરી રહ્યા છે અને કહી રહ્યા છે કે આ મહિલા પ્રધાનમંત્રી બનવાને લાયક જ નથી. જોકે ઘણા લોકો તેમના સમર્થનમાં ઉતર્યા છે અને કહ્યું કે શું તે માણસ નથી? શું તે પાર્ટીના કરી શકે?
જોકે આ પહેલા પણ 2021માં સના મરીન પાર્ટીના કારણે વિવાદોમાં આવ્યા હતા અને જે બાદ તેમણે માફી માંગી હતી.