સાણંદ / DDO એ ઈન્ચાર્જ TDO સહિત 2 અધિકારીઓને કર્યા સસ્પેન્ડ જાણો શા માટે કરી કાર્યવાહી

• જિલ્લા વિકાસ અધિકારીએ લીધા પગલા
• તપાસમાં નાણંકીય ગેરરીતિ થઈ હોવાનું ખૂલ્યું

જિલ્લા વિકાસ અધિકારીએ લીધા પગલા

મહત્વનું છે કે નેચરલ ગ્રેવિટી પ્યુરીફાઈ પ્લાન્ટ અને પાણીની ટાંકીના કામમાં શાળાઓ દ્વારા આ કૌભાંડ આચરવામાં આવ્યું હોવાનું મનાઈ રહ્યું છે. જે મામલે  DDO એ તપાસના આદેશ આપ્યા હતાં. જેમાં હાલ સાણંદના TDOના રિપોર્ટના આધારે તત્કાલિન ઇન્ચાર્જ TDO આર.સી.ઉપાધ્યાય સહિત બે કર્મચારીઓને સસ્પેન્ડ કરવામાં આવ્યાં છે. 

તપાસમાં અનિયમિતતા અને નાણંકીય ગેરરીતિ થઈ હોવાનું ખૂલ્યું

સાણંદની 42 શાળાઓમાં RO પ્લાન્ટ નાંખવાનું કામ પૂર્ણ ન થયું હોવા છતાં સરકારી બાબુઓએ કોન્ટ્રાકટરેને નાણાં ચુકીવ દીધાં હતાં. તેમજ તપાસ દરમિયાન ભારે અનિયમિતતા અને નાણાંકીય ગેરરીતિ થઈ હોવાનું માલુમ પડતાં સાણંદના ઈન્ચાર્જ તત્કાલીન TDO આર.સી.ઉપાધ્યાય, મદદનીશ ઇજનેર મનીષા પટેલ સહિત એક સરકારી કર્મચારીને સસ્પેન્ડ કરવામાં આવ્યાં છે.  

શાળાઓમાં 1 કરોડનું કૌભાંડ થયાની આશંકા

શાળામાં રૂપિયા બે લાખની કિંમતના RO મુકવાની જોગવાઈ હતી જે બાદ 42 જેટલી શાળાઓએ 1 કરોડ રૂપિયાનું કૌભાંડ આચર્યું હતું જેને લઈ હવે DDO દ્વારા તપાસના આદેશ આપવામાં આવ્યા હતાં.