AAPના વિરોધપક્ષના નેતા ધર્મેશ ભંડેરીની સુરત મનપામાં નિમણૂક થતા સોશિયલ મીડિયામાં કોમેન્ટ્સ ચાલુ થઈ ગઈ હતી.
વિરોધપક્ષના નેતાની નિમણૂંક સાથે જ વિરોધ
AAPના નેતા ધર્મેશ ભંડેરી સામે વિરોધ
અલ્પેશ કથિરિયા દ્વારા પણ કરાઇ કોમેન્ટ
સુરત મનપામાં આમ આદમી પાર્ટીના 27 કોર્પોરેટરની જીત બાદ બોલબાલા છે. તો આજે સુરત મનપામાં AAPના વિરોધ પક્ષના નેતાની નિમણૂક થઈ હતી. વિરોધ પક્ષના નેતાની નિમણૂકની સાથે વિરોધ પણ શરૂ થઈ ગયો હતો. AAPના વિરોધપક્ષના નેતા ધર્મેશ ભંડેરીની સુરત મનપામાં નિમણૂક થતા સોશિયલ મીડિયામાં કોમેન્ટ્સ ચાલુ થઈ ગઈ હતી. જેમાં PAASના કન્વિનર અલ્પેશ કથિરિયા દ્વારા પણ કોમેન્ટ કરવામાં આવી છે.
સુરત મનપામાં AAPના વિરોધ પક્ષના નેતાની નિમણૂક થતા અલ્પેશ કથિરીયાએ સોશિયલ મીડિયામાં કોમેન્ટ કરી કે, વિરોધ પક્ષના નેતા 8મું પાસ જ છે. અને ઉપનેતા ડૉક્ટર અને દંડક એડવોકેટ છે. સાથે AAP પાર્ટીના નેતાઓ વિશે લખાયું કે, શિક્ષિત પાર્ટીમાં અશિક્ષિત નેતા છે. PAASના નેતા ધાર્મિક માલવિયા સહિત અનેક સભ્યોએ પોસ્ટ પર કોમેન્ટ કરી છે. AAPમાં પણ ભક્તો તૈયાર થઇ રહ્યા હોવાની પોસ્ટ વાયરલ થઈ રહી છે.