ભાવ વધારો / શહેરમાં ફરી ભડકે બળતા ઈંધણના ભાવ, જાણો આજે કેટલું મોંઘુ થયું ઈંધણ

• અમદાવાદમાં ફરી પેટ્રોલ-ડીઝલના ભાવમાં વધારો
• પેટ્રોલ-ડીઝલના ભાવમાં 20-20 પૈસાનો વધારો
• પેટ્રોલનો ભાવ 94.68, ડીઝલનો ભાવ 95.12 રૂપિયા

ગુજરાતમાં ઈંધણના ભાવમાં ફરી ધરખમ વધારો જાણીલો કેટલા રૂપિયા મોંઘું થયું પેટ્રોલ ડીઝલ આજે ફરીથી મોટા શહેરમાં પેટ્રોલ ડીઝલના ભાવમાં વધારો જોવા મળી રહ્યો છે. 

શહેરમાં ભડકે બળતા ઈંધણના ભાવ 

શહેરમાં ફરી ઈંધણના ભાવ વધતા લોકો મોંઘવારીનો બેવળો માર સહન કરી રહ્યા છે, પેટ્રોલ ડીઝલની કિંમતોમાં ધરખમ વધારો નોંધાઈ રહ્યો છે ત્યારે આજે ફરી પેટ્રોલ અને ડીઝલની કિંમતોમાં 20-20 પૈસાનો વધારો જોવા મળ્યો હતો. જેને લઈ આજે પેટ્રોલનો ભાવ 94.68 રૂપિયા પ્રતિ લિટરે પહોંચ્યો છે. જ્યારે ડીઝલની કિંતમમાં 95.12 પ્રતિ લિટર રૂપિયાનો વધારો થયો છે, મહત્વનું તો એ છે કે સમગ્ર દેશમાં પેટ્રોલ અને ડીઝલના ભાવ યથાવત જોવા મળી રહ્યા છે જ્યારે માત્ર અમદાવાદ શહેરમાં ઈંધણની કિંમતોમાં ભાવ વધારો કરાતા શહેરીજનો ભારે હાલાકી ભોગવી રહ્યા છે. 

આ કારણે વધી રહ્યા છો ઈંધણ ભાવ

આંતરરાષ્ટ્રિય બજારમાં કાચું તેલ સતત મોંઘું થઈ રહ્યું છે. આ કારણે ઘરેલૂ બજારમાં ઈંધણની કિંમતો વધી રહી છે. તેલ કંપનીઓ ઈંધણનો ભાવ આંતરરાષ્ટ્રીય બજારમાં છેલ્લા 15 દિવસમાં કાચા તેલના ભાવ અને ડોલરના આધારે રૂપિયાની સ્થિતિના આધારે નક્કી કરે છે. પેટ્રોલ અને ડીઝલ પર કેન્દ્ર અને રાજ્ય સરકારો પણ મોટો ટેક્સ વસૂલે છે. આ સિવાય ઈંધણને પેટ્રોલ પંપ સુધી પહોંચાડવા માટે ખર્ચથી લઈને ડીલરના કમિશન સુધીનો ભાર સામાન્ય માણસ પર આવે છે.  

દેશની રાજધાની દિલ્હીમાં પણ વધ્યા ઈંધણના ભાવ

દિલ્હીની વાત કરીએ તો અહીં કેન્દ્ર સરકાર પ્રતિ લિટર 34.80 ટકા એક્સાઈઝ ડ્યૂટી વસૂલે છે તો રાજ્ય સરકાર 23.80 ટકા ટેક્સ વસૂલે છે. ડીઝલની વાત કરીએ તો કેન્દ્ર સરકાર 37.24 ટકા અને રાજ્ય સરકાર 14.64 ટકા ટેક્સ વસૂલે છે. વૈશ્વિક બજારમાં ગયા વર્ષે કિંમતોમાં ઘટાડો જોવા મળ્યો હતો તો કેન્દ્ર સરકારે એક્સાઈઝ ડ્યૂટીમાં વધારો કરવાનો નિર્ણય લીધો હતો.

દેશમાં આજે પેટ્રોલ ડીઝલના ભાવ યથાવત 

આજે 25 જૂને દિલ્હીમાં પેટ્રોલ 97.76 ભાવ પ્રતિ લિટર જ્યારે ડીઝલ ભાવ 88.30 પ્રતિ લિટર પહોંચ્યા છે દેશમાં ગુરુવારે પેટ્રોલમાં 26 પૈસા તો ડીઝલમાં 27 પૈસાનો ભાવમાં વધારો કરવામાં આવ્યો હતો પરતું આજે કોઈ ભાવ વધારો કરવામાં આવ્યો નથી. મોટા રાજ્યો દિલ્હી, મુંબઇ, કોલકાતા અને ચેન્નાઈમાં પેટ્રોલ અને ડીઝલની કિંમતો પ્રતિ લીટરમાં આ પ્રકારની છે. દેશના 9 રાજ્યો અને કેન્દ્રશાસિત પ્રદેશોમાં પેટ્રોલ ડીઝલનો ભાવ 100 રૂપિયા પ્રતિ લિટર પહોંચી ગયો છે. મેટ્રો શહેરોમાં પણ કિંમતોમાં ધરખમ વધારો ઝીંકાયો છે. 

રોજ સવારે 6 વાગે બદલાય છે કિંમતો

ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે.  આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.

જાણો તમારા શહેરમાં કેટલો છે ભાવ

પેટ્રોલ-ડીઝલની કિંમત તમે  SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.